Maibatay iti datos ti Philippine Rice Information System, napintas ti apit dagiti mannalon ita a tawen. (Ladawan: Pammadayaw ti pna.gov.ph)

Imbatad ti Department of Agriculture (DA) itay Nobiembre 14 a nagapasen ti 90 a porsiento dagiti pagay iti entero a pagilian.

Gapu itoy, impanamnama ti DA nga adda umdas a suplay ti bagas iti merkado.

Kinuna ni DA spokesperson Assistant Secretary Arnel de Mesa a nagatang dagitoy iti PhP22 ti tunggal kilo, idinto nga PhP23 agingga PhP25 ti tunggal kilo iti farmgate price.

Innayon pay ti DA a PhP42.80 ti tunggal kilo ti regular-milled, idinto a PhP45 ti tunggal kilo ti well-milled a bagas.

Eksklusibo iti Website
Manipud Kadagiti Agdama a Kameng ti Bannawag: Dios ti Agngina!

Manipud Kadagiti Agdama a Kameng ti Bannawag: Dios ti Agngina!

Namnamaen ti DA nga adda maapit a 3.063-milion a metrika tonelada (MMT) iti bulan ti Nobiembre ken Disiembre.

Kinuna ni De Mesa nga agarup 20 MMT ti dagup ti maapit iti daytoy a tawen. (Jel Santos/Manila Bulletin//Lito Hilidon/Bannawag.)