PASNAAN 12. Dagiti nagturpos a writing fellow iti Pasnaan 12 (manipud iti maikatlo iti kanigid, agpakanawan): Bleszie Dela Rosa-Aguinaldo, Raquelito B. Cenal, Pauline Andrea Piamonte, Hazel H. Sidayen, ken Benj G. Sumabat. Nairaman iti ladawan da, agpakanawan: Dr. Freddie P. Masuli (Workshop Director), Ariel Sotelo Tabag (Presidente ti GUMIL Filipinas), Estela A. Bisquera-Guerrero (Panelist/Lecturer), Joel B. Manuel (Panelist/Lecturer), ken Daniel L. Nesperos (Panelist). Saan a nairaman iti ladawan ti tallo pay a panelist a da Bannawag Editor Cles B. Rambaud, Bannawag Literary Editor Juan Al. Asuncion ken Aileen R. Rambaud. Programa ti GUMIL Filipinas, ti gunglo dagiti mannurat nga Ilokano iti Filipinas ken ballasiw-taaw, ti Pasnaan ti writing workshop para kadagiti sinurat iti lengguahe nga Ilokano, a pakitinnulongan ti Bannawag Magazine. Iti daytoy maika-12 a bansada, sinangaili ti GUMIL Apayao ken ti Apayao State College (Luna, Apayao) itay Nobiembre 18-19, 2023 a nakatrataran dagiti ababa a sarita (flash fiction) ken dandaniw dagiti nadakamat a nagturpos a fellow. (Derick Marcel F. Yabes)
