Ni Gelienor "Jimmy" Pacheco ti maysa kadagiti 23 a naruk-atan itay Nobiembre 24 kalpasan a kinautibo dagiti kameng ti Hamas idi Oktubre 7. (Ladawan: Pammadayaw ti Israel in the Philippines Facebook page)

Nangidiaya ti gobierno ti Filipinas iti tulong iti kaingungot ni Gelienor "Jimmy" Pacheco a ni Clarice, no kayatna a sarungkaran ti lakayna iti Israel.

Tubo ti Ilocos Norte ni Pacheco a nagpaay a caregiver iti Israel iti las-ud ti 5 a tawen.

Maysa ni Pacheco kadagiti 23 a naruk-atan itay Nobiembre 24 kalpasan a kinautibo ida ti Hamas idi Oktubre 7.

Nagyaman ni Presidente Ferdinand R. Marcos Jr. kadagiti opisial ti DFA kasta met iti gobierno ti Qatar gapu iti pannaruk-at ni Pacheco.

Eksklusibo iti Website
Manipud Kadagiti Agdama a Kameng ti Bannawag: Dios ti Agngina!

Manipud Kadagiti Agdama a Kameng ti Bannawag: Dios ti Agngina!

Segun ken ni Department of Foreign Affairs (DFA) Undersecretary Eduardo Jose De Vega, ibaklay ti gobierno ti magastos ti kaingungot ni Pacheco nga agbiahe, agraman ti visa daytoy no kayatna ti mapan iti Israel. (Ferdinand Patinio/PNA//Lito Hilidon/Bannawag)