MAIKADUA A BOARD MEETING TI GUMIL FILIPINAS. Iti maikadua a board meeting dagiti opisial ti GUMIL Filipinas (GF), gunglo dagiti mannurat nga Ilokano iti Filipinas ken ballasiw-taaw, itay Nobiembre 19, 2023 iti Apayao State College, Luna, Apayao. Agpakanawan: Raquelito B. Cenal (nangibagi ken ni GF Auditor Rolando A. Seguro Jr., nga agpapaay pay a presidente ti GUMIL Cagayan), Dr. Mario S. Ascueta (direktor ken agpapaay pay a presidente ti GUMIL Gonzaga), Avelina Fe Camacho (direktor), Anna Liza M. Gaspar (tesorera), Estela A. Bisquera-Guerrero (manarawidwid), BM Vilmer V. Viloria (adviser), Ariel Sotelo Tabag (presidente), Mario T. Tejada (direktor ken nag-acting secretary iti miting), Dr. Freddie P. Masuli (direktor), Daniel L. Nesperos (direktor), Myrna Lapeña (kameng ti GUMIL DepEd Urdaneta), Rosie Magno (kameng ti GUMIL DepEd Urdaneta ken nangibagi ken ni Dr. Edmundo A. Bisquera, direktor ken agpapaay pay a presidente ti GUMIL DepEd Urdaneta), ken Eliseo B. Contillo (direktor). Karaman kadagiti napagsasaritaan ti pannakaangay ti Dap-ayan 2024 inton Hulio 5-7, 2024 ken pannakaipablaak dagiti libro a kas iti antolohia dagiti daniw a para ubbing ti GUMIL DepEd Urdaneta, antolohia dagiti sarita dagiti mannurat nga Ilokana, ken antolohia dagiti speculative fiction nga Ilokano. (Derick Marcel F. Yabes)
