Aganay a 2,000 a bag ti bin-i a hybrid a pagay ti naited iti 1,811 a mannalon iti Santa Teresita, Cagayan para iti dry season a panagtatalon iti 2024.
Malaksid iti hybrid a bin- i, naiwaras met ti bin-i ti inbred a pagay bin-i para kadagiti mannalon a saan nga irrigated dagiti talonda.
Naisapsapa a naipaay dagiti bin-i, a naggapu iti Department of Agriculture (DA), iti babaen ti hybridization ken inbred program ti Municipal Agriculture Office (MAO) nga idauluan ni Municipal Agriculturist Edwin P. Madrid, iti panangiwanwan ti gobierno lokal babaen ti liderato ni Mayor Rodrigo De Gracia.
Segun iti MAO, immadun ti agus-usar iti hybrid rice a bin-i. Kayatna a sawen a limmawa wenno immadu metten iti irrigated a taltalon kadagiti barangay ti ili. (Edison B. Tobias)
