Pinadayawan ti gobierno ti Israel itay Nobiembre 28 dagiti 4 a Filipino a napapatay iti panangraut ti grupo a Hamas idi Oktubre 7, ket naipanamnama ti tungpal-biag a panangtulongda kadagiti napanawan a pamilia.
Naidaton ti maysa a misa maipaay kada Angelyn Aguirre, Loreta Alacre, Grace Cabrera, ken Paul Castelvi.
Segun ken ni Embahador ti Israel iti Filipinas Ilan Fluss, ipaay ti Israel ti di nababbaba ngem PhP100,00 a binulan a tulong dagiti kaasitgan a kameng ti pamilia dagiti biktima.
Kinuna ni Fluss a maibatay ti maited a gatad iti estado ti kameng ti pamilia, no nagannak wenno kaingungot, agraman ti bilang dagiti annakda.
Manipud Kadagiti Agdama a Kameng ti Bannawag: Dios ti Agngina!
Innayon ni Fluss a mabalin met a maikkan ti binulan a tulong ni Jimmy Pacheco gapu iti 49-aldaw a pannakakautibona. (Joyce Ann L. Rocamora/PNA//Lito Hilidon/Bannawag)
