Dagiti kameng ti Nueva Vizcaya Provincial Tourism and Cultural Office (NVPTCO) a nangyalat iti titulo a Best Product Presentation iti 2nd North Luzon Travel Expo a naangay iti CAP Convention Center iti Camp John Hay, Baguio City manipud Nobiembre 24 agingga 27. (Ladawan: Pammadayaw ti Nueva Vizcaya Tourism Facebook page.)

Inyalat ti Nueva Vizcaya Provincial Tourism and Cultural Office (NVPTCO) ti titulo a Best Product Presentation iti 2nd North Luzon Travel Expo (NLTE) a naangay iti CAP Convention Center iti Camp John Hay, Baguio City manipud Nobiembre 25 agingga 27.

Panggep ti NLTE a parayrayen manen ti turismo babaen ti panagtipon ti kadawyan ken ti naisangsangayan a banag a maidiaya ti lokal a turismo, pagpasiaran, ken nadumaduma a serbisio manipud iti Amianan a Luzon.

Ti Nueva Vizcaya laeng ti probinsia ti Luzon a naibilang kadagiti tallo a kalaingan a mangipresentar iti produkto, a nakairamanan ti DOT MIMAROPA ken DOT Region II.

Kinuna ni dati a Gobernador Ruth R. Padilla, daulo ti Cagayan Valley Regional Tourism Council (CVRTC) ken ti Nueva Vizcaya Provincial Tourism Council (NVPTC), a ti nayalat a gunggona ti mangpaneknek iti di agsarday a panangitandudoda iti kinapintas ken nabaknang a kultura ti Nueva Vizcaya.

Eksklusibo iti Website
Manipud Kadagiti Agdama a Kameng ti Bannawag: Dios ti Agngina!

Manipud Kadagiti Agdama a Kameng ti Bannawag: Dios ti Agngina!

Kinuna met ni Gobernador Jose V. Gambito a ti nagapuanan ti Nueva Vizcaya ti mangpasingked iti tarigagayna a mangparangrang iti turismo ti Nueva Vizcaya.

Idadauluan ni Marichelle O. Costales ti NVPTCO.

(Rachel Magday/PLGU Nueva Vizcaya//Lito Hilidon/Bannawag)