Nalpasen ti sistema a mangkontrol iti layus iti Cagayan River iti Barangay Andarayan iti Solana, Cagayan, a proyekto ti Department of Public Works and Highways-Cagayan Third District Engineering Office.
Kinuna ni District Engineer Mariano B. Malupeng a patibkeren ti proyekto ti kinatalingenngen ken kinatalged dagiti agindeg, negosio, ken pagbiagan dagiti adda iti asideg ti karayan.
Salakniban ti 133-metro ti kaatiddugna nga impraestruktura ti 4,500 nga agindeg iti lugar a mabalin a malayus.
Innayon ni Malupeng nga aggatad ti PhP29-milion ti nakuna a proyekto a naponduan iti General Appropriations Act daytoy a tawen. (Liezle Basa Iñigo/Manila Bulletin//Lito Hilidon/Bannawag)
Eksklusibo iti Website
