Inaprobaran ita (Disiembre 5) ti Commission on Appointments (CA) ti pannakadutok ni Dr. Teodoro “Ted” Herbosa kas daulo ti Department of Health (DOH) ken ni Francisco Tiu Laurel Jr. a mangidaulo iti Department of Agriculture (DA).
Sakbay ti pannakadutokna, nagpaay ni Laurel a presidente ti Frabelle Fishing Corporation, maysa kadagiti kangrunaan a kompania ti panagkalap iti Asia-Pacific Region.
Gapu iti daytoy, naparnuay ti adu a saludsod manipud kadagiti maseknan a kameng ti sektor ti agrikultura, ngem dinepensaan ni Presidente Marcos ti panangdutokna ken ni Laurel, ket kinunana a panawenen tapno agakem ti maysa a tao a makatarus kadagiti parikut a mangimammameg iti sektor ti agrikultura.
Segun ken ni Laurel, dumawat ti tulong ti DA kadagiti biologist, data scientist, ken akademiko iti panangtamingna iti avian flu, African swine fever, red tide, agraman dagiti naandur iti sakit, ken naibtur iti El Niño, a bukbukel, ken organiko a ganagan.
Manipud Kadagiti Agdama a Kameng ti Bannawag: Dios ti Agngina!
Iti biang ni Herbosa, awan ti simmupiat iti pannakadutokna a kas daulo ti DOH. (Hannah Torregoza/Manila Bulletin//Lito Hilidon/Bannawag)
