Patien ti Philippine Business for Education (PBEd) a pampaneknekan ti resulta ti 2022 Programme for International Student Assessment (PISA) ti nakaro a krisis ti edukasion iti Filipinas, ket impaganetgetna ti dagus a panagtignay ti amin a sektor, agraman ti industria, gobierno, ken akademia.
Inyebkas ti PBEd ti pannakapaayna iti nakay-ay-ay manen a ranggo ti Filipinas iti resulta ti 2022 PISA a rimmuar itay Disiembre 5, ket kinunana a daytoy ti mangpaneknek a nakalkaldaang ti kasasaad ti edukasion ken adu ti nasken nga aramiden.
Segun iti PBEd, saan laeng a pakaseknan ti sektor ti edukasion ti saan a napintas a resulta ti PISA, no di ket pakaseknan ti entero a pagilian, ta ti nakapuy a sistema ti edukasion ket mangparnuay met iti nakapuy a trabahador.
Tapno mapagkaykaysa dagiti nadumaduma a sektor, panggep ti PBEd nga iwayat ti Second Congressional Commission on Education (EDCOM 2) a danggayan dagiti kaasmangda iti industria, gobierno, ken akademia tapno tamingenda ti maipapan iti edukasion.
Manipud Kadagiti Agdama a Kameng ti Bannawag: Dios ti Agngina!
Innayon ti PBEd a nasken nga aramaten ti resulta ti PISA kas giya no kasano a maital-o ti agdama a kasasaad ti edukasion iti pagilian. (Ma. Joselie C. Garcia/Manila Bulletin//Lito Hilidon/Bannawag)
