IRUAR ti University of Santo Tomas (UST) Faculty of Medicine and Surgery Silver Jubilarians Class 1998 ti coffee table book-da a napauluan “Imbued with Unending Grace, a Tribute to 25 Years” iti Manila Marriott inton Disiembre 17, 2023.
Naadaw ti paulo ti libro iti UST Hymn a pinutar ti dua a Tomasino a nagturpos iti unibersidad idi 1961 para iti maika-350 nga anibersario ti UST.
Sakbay daytoy, maangay ti Rector's Night inton Disiembre 15 ken Misa a Panagyaman inton Disiembre 16 iti kampus ti eskuela iti Sampaloc, Manila.
Kinuna ni UST Rector Rev. Fr. Richard Ang, O.P., iti mesahena kadagiti nasurok 200 a jubilarian a mangngagas iti pagilian ken ballasiw taaw: “With the rest of the Thomasian community, I recognize the efforts and sacrifices you have endured to better the living conditions of our brothers and sisters suffering physical, mental and emotional ailments withstanding socio-economic and geographical barriers.”
Ket Itartarayanmi Dagiti Bomba
Kinuna met ni Rev. Fr. Rolando de la Rosa, O.P., rector ti unibersidad nanipud 1990 inggana't 1998, iti Pakauna iti libro: “I hope that like me you will see yourself, not as a flickering candle, but a torch burning with love for UST, encouraging our fellow Thomasians to pursue greatness – greatness in purpose and achievement – for ourselves and our loved ones, for the country, and above all, for God.”
Ni met laeng De la Rosa ti nangyuna iti Quadricentennial Celebration ti unibersidad idi 2011.
Nagtitinnulongan ti maysa nga editorial board ti pannakaipablaak daytoy 9”x12” a libro – a maited laeng iti eskuela ken kaamaan dagiti jubilarian – nga impanguluan ni Hermione Mary Anne Atencio Cabie-Santos, editor-in-chief; Arsenio Blancia Gonzalez III, managing editor; Claudette Saratan Guzman-Mangahas, associate editor; ken Paul Quiambao kas principal photographer.
Maysa nga Integrative/Primary Care Physician ken Clinical Research Professional ti Society of Clinical Research Associates (SoCRA) idiay North America ni Cabie-Santos, dati a kameng ti GUMIL Metro Manila ken GUMIL Filipinas, ken dimmakkel iti Metro Manila a taga Pinili, Ilocos Norte.
Ni Gonzalez III ti chairman ti Department of Radiology, Ospital ng Makati; idinto a ni Guzman-Mangahas, ket pulmonologist ken Chief Training Officer, Residency Training Program, Department of Internal Medicine ti Cardinal Santos Medical Center iti San Juan City.
Ti Production Board, binukel da Norberto Eduardo Gonzales Jr., radiologist-sonologist ti Cardinal Santos Medical Center, Providence Hospital, ken ti Mandaluyong City Medical Center kas coordinator.
Ni met Quiambao ti Thomasian travel photographer iti likud ti "400 Shots to Immortality: Timeless Photographs of the University of Santo Tomas Towards its Neo-Centennial."
Magatang ti Bannawag kadagiti sukiyo nga aglaklako iti pagiwarnak ken magasin.
Para iti subskripsion, ag-email iti [email protected]. Para iti dadduma pay a detalye, kontaken ti Circulation Department iti 8527-8121 Loc. 369, 09171360110.
Mabalin pay a magatang ti Bannawag iti
Shopee: http://bit.ly/Bannawag-Shopee
Lazada: http://bit.ly/Bannawag-Lazada
Para iti digital a kopia:
PressReader: http://bit.ly/3n83kNQ
Magzter: http://bit.ly/407pazG
Para kadagiti kompleto a sarita, nobela, daniw, salaysay ken dadduma pay, bisitaen ti opisial a website ti Bannawag iti https://bannawag.ph
Laglagipenyo koma met, kakailian, nga ag-join/i-follow (ka)dagiti official a social media account/page/group ti Bannawag,
iti Instagram: https://www.instagram.com/bannawagmagazine
iti Twitter: https://twitter.com/BannawagMagasin
Facebook Page: https://www.facebook.com/BannawagMagasin
Facebook Public Group: https://www.facebook.com/groups/bannawag.magazine
Dios ti agngina.
Isip pabaknangen, Bannawag ti basaen!
