MAISAGSAGANA ti dua nga antolohia dagiti sarita nga iruar ti GUMIL Filipinas (Gnglo dagiti Mannurat nga Ilokano iti Filipinas ken iti ballasiw-taaw) babaen ti Tagnawa Series a book project ti gunglo, kas impakaammo ni Ariel Sotelo Tabag, presidente ti gunglo.
Iwardas ti Editorial & Publication Committee nga idauluan ni Daniel L. Nesperos nga agpapaay pay a direktor ti GUMIL Filipinas, dagitoy a libro ti maikawalo ken maikasiam nga antolohia iti Tagnawa Series book project ti GUMIL Filipinas a narugian idi 2010.
Para iti Tagnawa 8, nga antolohia dagiti sarita dagiti mannurat a babbai, agpaay nga editor da Estela A. Bisquera-Guerrero, Aileen R. Rambaud ken Anna Liza M. Gaspar, idinto a ti Tagnawa 9, nga antolohia dagiti sarita nga speculative fiction, agpaay nga editor da Ariel Sotelo Tabag, Daniel L. Nesperos ken Roy V. Aragon.
Maawis dagiti mannurat nga Ilokano nga agidatag para kadagiti nasao nga antolohia.
Pagalagadan iti panagidatag:
1. Sarita (short story) ti idatag a manuskrito. Para iti Tagnawa 8, mabalin uray ania a tema ti suraten ngem dagiti laeng mannurat a babbai ti maawat ti sinuratna. Para iti Tagnawa 9, mabalin amin a mannurat nga Ilokano no la ketdi speculative fiction ti idatag a sinurat. No speculative fiction, mabalin ditoy dagiti sinurat nga agindurog iti tema a magic realism, fantastic, futuristic ken science fiction. Nasaysayaat no di pay naipablaak ti idatag ngem mabalin met no naipablaaken iti magasin, wenno dadduma pay a babasaen wenno Internet. No naipablaaken, masapul nga adda notasion iti baba ti sinurat mainaig iti detalye ti pannakaipablaak daytoy. Maysa laeng ketdi a sarita ti maipablaak, ken segun iti pangngeddeng dagiti editor. Karbengan dagiti editor ti di mangipablaak kadagiti maidatag a sarita a di makapatar iti pagrukodanda, ken iti sabsabali pay a makagapu.
2. Digital wenno soft copy ti idatag a manuskrito, encoded iti MS Word iti document a letter size, Times New Roman wenno Arial a font, 1 pulgada a margin iti amin nga igid. Doble espasio ken saan a nasursurok ngem 25 a panid.
3. Mapakuyogan dagiti sinurat iti pakasaritaan ti biag ti autor (saan nga at-atiddog ngem maysa wenno dua a parapo), karaman dagiti contact information (adres, numero ti telepono/selpon, e-mail), ken kaudian a retrato iti .jpeg a file format.
4. Ipatulod babaen ti e-mail dagiti sinurat iti [email protected].
5. Masapul a maawat dagiti sinurat iti di naladladaw ngem Pebrero 29, 2024.
6. Agdalan dagiti sinurat iti naiget a panagarisit dagiti editor. Mapakaammuan dagiti autor a mairaman iti libro makabulan kalpasan ti naituding a deadline.
7. Maipablaak dagiti libro iti wagas a tagnawa, wenno panidna, bayadanna. Masuktanto ketdi iti libro a ti bilangna, depende iti kaibatogan ti naitagnawa a gatad.
8. Karbengan dagiti editor nga editen dagiti sinurat a naidatag.
9. Para iti dadduma pay a detalye, makiuman kadagiti editor babaen ti e-mail address iti ngato.
Manamnama a mayalnag ti libro iti Dap-ayan 2024 ti GUMIL Filipinas a maangay inton Hulio 2024. --O
Magatang ti Bannawag kadagiti sukiyo nga aglaklako iti pagiwarnak ken magasin.
Para iti subskripsion, ag-email iti [email protected]. Para iti dadduma pay a detalye, kontaken ti Circulation Department iti 8527-8121 Loc. 369, 09171360110.
Mabalin pay a magatang ti Bannawag iti
Shopee: http://bit.ly/Bannawag-Shopee
Lazada: http://bit.ly/Bannawag-Lazada
Para iti digital a kopia:
PressReader: http://bit.ly/3n83kNQ
Magzter: http://bit.ly/407pazG
Para kadagiti kompleto a sarita, nobela, daniw, salaysay ken dadduma pay, bisitaen ti opisial a website ti Bannawag iti https://bannawag.ph
Laglagipenyo koma met, kakailian, nga ag-join/i-follow (ka)dagiti official a social media account/page/group ti Bannawag,
iti Instagram: https://www.instagram.com/bannawagmagazine
iti Twitter: https://twitter.com/BannawagMagasin
Facebook Page: https://www.facebook.com/BannawagMagasin
Facebook Public Group: https://www.facebook.com/groups/bannawag.magazine
Dios ti agngina.
Isip pabaknangen, Bannawag ti basaen!
