Salaysay Ni LITO P. HILIDON
IDI awan pay ti internet ken social media, maimatmatangan laeng dagiti obra iti panagpinta kadagiti museo ken art exhibit. Iti panaglatak ti Twitter, Instagram ken Facebook iti internet, nasaksaknapen ti pannakaipabuya dagiti putar dagiti dibuhista wenno pintor. Iti tay-ak ti arte, nangruna kadagiti agwaywayas wenno namagbalin a bukoddan a panggedan daytoy, nabileg a katulongan ti social media iti pannakayalnag, pannakaiparang, ken pannakaipaay ti suporta kadagiti obra ti maysa a pintor.
Kasta ti padas ni Jinkee Medlei Molina-Sangoy, maysa a pintor a tubo ti Bucloc, Abra. Nagturpos iti B.S. Information Technology iti Abra Valley Colleges iti Bangued, patien ni Jinkee a dakkel ti maitulong ti internet ken social media iti pannakayam-ammo dagiti obrana iti sangalubongan, isu nga inaramidna ti JS Painter Facebook page idi 2013 a nagipaskilanna kadagiti obrana.
Di nagbayag, adda nakakita kadagiti obrana iti Facebook manipud iti ballasiw-taaw. Nagbalin a kustomerna ni Maria Manalang, maysa nga Overseas Filipino Worker (OFW) nga agindeg iti Indiana, Estados Unidos (USA), ken agpapaay a Program Manager ti Indy's Global Village (IGV). Inawisna ni Jinkee a nangibagi iti Filipinas iti 3rd World Art Expo iti Indiana, USA nga inwayat ti IGV manipud idi Pebrero 1 agingga iti Marso 19, 2022, a nagtitiponan dagiti artist manipud iti nadumaduma a pagilian a mangitampok iti kultura ti naggapuanda a puli. Saan a nakapan ni Jinkee iti Amerika isu nga impa-ship-na laengen dagiti obrana a mayeksibit iti Amerika. Adu met ti gimmatang kadagiti obra ni Jinkee.
Gapu iti pannakaipasetna iti World Art Expo, napadayawan ni Jinkee a kas "Asia's Most Exemplary Woman Artist of the Year" idi 2022 manipud iti Asia's Golden Icon Awards a kas pangbigbig kadagiti tattao a nagballigi ken nangipakita iti kinalaingda iti tay-ak a yanda. Idi Nobiembre 2, 2023 inawatna pay ti pammadayaw a kas “Asia's Most Exemplary and Inspiring Artist of Year 2023” (kas "international artist” manipud iti Asia's Royalty).
Manipud Kadagiti Agdama a Kameng ti Bannawag: Dios ti Agngina!
Sumagmamano kadagiti paintings ni Jinke (kaaduanna kadagitoy ti nagatangen):
Magatang ti Bannawag kadagiti sukiyo nga aglaklako iti pagiwarnak ken magasin.
Para iti subskripsion, ag-email iti [email protected]. Para iti dadduma pay a detalye, kontaken ti Circulation Department iti 8527-8121 Loc. 369, 09171360110.
Mabalin pay a magatang ti Bannawag iti
Shopee: http://bit.ly/Bannawag-Shopee
Lazada: http://bit.ly/Bannawag-Lazada
Para iti digital a kopia:
PressReader: http://bit.ly/3n83kNQ
Magzter: http://bit.ly/407pazG
Para kadagiti kompleto a sarita, nobela, daniw, salaysay ken dadduma pay, bisitaen ti opisial a website ti Bannawag iti https://bannawag.ph
Laglagipenyo koma met, kakailian, nga ag-join/i-follow (ka)dagiti official a social media account/page/group ti Bannawag,
iti Instagram: https://www.instagram.com/bannawagmagazine
iti Twitter: https://twitter.com/BannawagMagasin
Facebook Page: https://www.facebook.com/BannawagMagasin
Facebook Public Group: https://www.facebook.com/groups/bannawag.magazine
Dios ti agngina.
Isip pabaknangen, Bannawag ti basaen!
