Agdagup iti 27 nga overseas Filipino workers (OFWs) manipud iti Israel ti simmangpet itay Disiembre 11, kas pinanggep ti Department of Migrant Workers (DMW) a makasublidan iti Filipinas iti panawen ti Paskua.
Sinabet ni Overseas Workers Welfare Administration (OWWA) Deputy Administrator Honey Quiño dagiti 27 nga OFW a simmangpet iti Ninoy Aquino International Airport (NAIA) Terminal 3, ti maika-11 a grupo dagiti OFW manipud iti Israel a buklen ti 25 a caregiver ken 2 a hotel worker.
Kadua ni Quiño dagiti opisial ti nadumaduma nga ahensia ti gobierno kas ti Department of Social Welfare and Development (DSWD), ti Department of Health (DOH), ti Technical Education and Skills Development Authority (TESDA), ti Department of Foreign Affairs, agraman ti Philippine National Red Cross (PNRC).
Kas tulong kadagiti OFW, nangted ti OWWA iti PhP50,000; PhP20,000 ti inted ti DSWD; ken PhP5,000 ken skills training voucher ti impaay ti TESDA.
TURISMO: Intayon Idiay Ayuyang Garden iti Pila, Siudad ti Laoag!
Segun iti datos ti DMW, agdagup ti 362 nga OFW ti napaawid iti Filipinas, kaaduan ti nagpaay a kas caregiver ken hotel worker, idinto nga adda nasurok a 30,000 a Filipino iti Israel. (Aaron Recuenco/Manila Bulletin//Lito Hilidon/Bannawag)
