Indeklarar ni Presidente Ferdinand Marcos Jr. ti Disiembre 26 nga "special non-working holiday" iti entero a pagilian babaen ti bileg ti Proclamation No. 425 a naipaulog itay Disiembre 12.
Kinuna ni Presidente Marcos a ti at-atiddog a panagbakasion ti mangipaay iti ad-adu nga oras kadagiti Filipino a mangrambak iti Paskua iti denna ti pamiliada.
Patien ti Presidente a papigsaen ti atiddog a bakasion ti lokal a turismo iti pagilian.
Binilin ti Presidente ti Department of Labor and Employment (DOLE) a mangipaulog iti sirkular a mangipatungpal iti dayoty a Proklamasion iti pribado a sektor. (Betheena Unite/Manila Bulletin//Lito Hilidon/Bannawag)
Eksklusibo iti Website
