Ibilang ni Senador Raffy Tulfo a maysa a naimbag a pagtuladan dagiti pagilian a mangal-ala kadagiti overseas Filipino workers (OFWs) ti pagannurotan ti Singapore a mangyalikaka iti pagimbagan ken kalintegan dagiti ganggannaet a mangmangged.
Iti pannakainnuman ni Senador Tulfo ken ni Embahador ti Singapore iti Filipinas Constance See itay Disiembre 11, nagsaritada maipapan iti kasasaad dagiti OFW iti Singapore.
Kinuna ni See nga ipatpatungpal ti Singapore ti Labor Management Framework a mangilungalong iti panangsarsarungkar dagiti labor officer kadagiti ganggannaet a mangmangged tapno makitada ti kasasaad dagitoy ken masinunuo a saan ida nga abusuen dagiti amoda, idinto a nadagsen ti dusa a maipaay kadagiti mangabuso wenno mangsalungasing iti kalintegan dagiti ganggannaet a mangmangged.
Innayon ni See nga iti Singapore, masapul nga agseminar pay nga umuna ti asino man nga aggandat a mangala iti ganggannaet a mangmangged.
TURISMO: Intayon Idiay Ayuyang Garden iti Pila, Siudad ti Laoag!
Gapu itoy, kinuna ni Tulfo a maysa a pagtuladan ti Singapore kadagiti dadduma a pagilian, ket saan nga imposible a maipaulog met ti kastoy a pagannurotan kadagiti dadduma pay a pagilian nga addaan iti OFW, kas iti Middle East. (Leonel Abasola/PNA//Lito Hilidon/Bannawag)
