Ditoy Siudad ti Sursurotek Nga Init-Bannawag

Daniw ni AMADO I. YORO

Siudad ti basol
kunada ditoy yanko ita, ilik
a napanawak
ngem kapanagan ditoy
ti kinalasbang
ken kinapusaksak
kas iti rimat dagiti bituen
iti silnag ti bulan.

Daytoy ti sabong
iti malem, sidiran Stober
suli ti Sand Creek
aripit ti Mark Twain
ken Spring Mountain.

Ditoy ti kunak a natnag
ti darang ti init
ti gumaygayebgeb latta a siudad
kas met ti maipalais nga alipaga
uray kadagiti naladaw
a malem.

Ditoy, wen, ditoy
nga itugkelko ti muhon
Ti baro a tugot ti kayumanngi
a dapan,
dapandapanak latta
a magna kadagiti lansangan
ti Decatur, Lindell, Jones
Red Rocks
Tropicana,
dagiti nagkurosan ti Blue Diamond
ti Durango ken Flamingo.

Daytoy ti plumak iti baro a
a pannakaparsua
iti sabali a punganay.

Adtoy ti sabong
awanan iti nagan
adda pusaksak daytoy
kas met kaadda ti sugat
iti pannakaipusing sadiay
wen, sadiay nagpanawak
adda dagitoy:
saem
iliw
kawa
ken kawaw…

Sangitak kadi
ti kaawanko sadiay?
Ep-epan koma ti sungdo
ken linglingay dagiti pannakaikawa,
isuda a mangpatibker-nakem
a ditoyak a mangbirok
bubon ti gin-awa ken talingenngen.

Ditoy a suratek
dagiti un-unnoy
ken an-anek-ek
dagiti katkatawa
ken dagiti istoria de un amor
ti napalabas
ti sangalek a kansion
a kasilpo iti kinasiak
iti sirok ti sursurotek nga init
a datonko kenka, napanawak
ngem subliak nga ilik.

Magatang ti Bannawag kadagiti sukiyo nga aglaklako iti pagiwarnak ken magasin.

Para iti subskripsion, ag-email iti [email protected]. Para iti dadduma pay a detalye, kontaken ti Circulation Department iti 8527-8121 Loc. 369, wenno iti CP No. 09567620852.

Mabalin pay a magatang ti Bannawag iti

Shopee: http://bit.ly/Bannawag-Shopee

Lazada: http://bit.ly/Bannawag-Lazada

Para iti digital a kopia:

PressReader: http://bit.ly/3n83kNQ

Magzter: http://bit.ly/407pazG

Para kadagiti kompleto a sarita, nobela, daniw, salaysay ken dadduma pay, bisitaen ti opisial a website ti Bannawag iti https://bannawag.ph

Laglagipenyo koma met, kakailian, nga ag-join/i-follow (ka)dagiti official a social media account/page/group ti Bannawag,

iti Instagram: https://www.instagram.com/bannawagmagazine

iti Twitter: https://twitter.com/BannawagMagasin

Facebook Page: https://www.facebook.com/BannawagMagasin

Facebook Public Group: https://www.facebook.com/groups/bannawag.magazine