TAO, LUGAR, PASAMAK: Sadiay Laoag-Bannawag

SIUDAD TI LAOAG. Ipakpakita dagiti Grade 6, Grade 11, ken Grade 12 Science, Technology, Engineering, ken Mathematics (STEM) nga agad-adal iti University Laboratory School ti Mariano Marcos State Univerty-College of Teacher Education (MMSU-CTE) dagiti naibunong kadakuada a pagbasaan maipapan iti Renewable Energy Sources ken Renewable Energy Electrical Systems. Paset daytoy ti naisayangkat nga Information, Education, and Communication Campaign Program for Solar Home System and Battery Energy Storage System iti MMSU-CTE ULS idi Nobiembre 30 ken Disiembre 1, 2023. Panggep daytoy nga aktibidad a maadalan ken mainspiraran dagiti agtutubo kadagiti basics ti elektrisidad, renewable energy sources, solar home systems, ken battery energy storage system. Impeksa da Dr. Aris Reynold V. Cajigal, Dean ti MMSU-CTE, ken Prof. Philistia Mercuria P. Bagayas, Principal ti MMSU-CTE ULS ti panagyamanda iti MMSU Affiliated Renewable Energy Center (AREC) ta napili ti MMSU-CTE ULS a maysa kadagiti pakaisayangkatan ti nasao nga aktibidad. Kinunada a kadagiti aktibidad a kakastoy, ad-adda pay a maikkan dagiti agtutubo iti naan-anay nga adal maipapan iti pannakaaramat ti nadumaduma a renewable energy sources kas paset ti pannakasaluad ti aglawlaw.

Indauluan ni MMSU-AREC Head Engr. Thomas D. Ubiña (nakapolo iti checkered (maikatlo iti kanawan), maikatlo a a ladawan) ti nasao nga aktibidad. Karaman iti ladawan da Dean Cajigal ken ULS Principal Bagayas (agpada a nakapuraw), kasta met dagiti pannakabagi ti MMSU AREC. (Mercy R. Gaño)

Magatang ti Bannawag kadagiti sukiyo nga aglaklako iti pagiwarnak ken magasin.

Para iti subskripsion, ag-email iti [email protected]. Para iti dadduma pay a detalye, kontaken ti Circulation Department iti 8527-8121 Loc. 369, wenno iti CP No. 09567620852.