Nagbalinen a PhP48.84 ti sangakilo a well-milled a bagas apagtapog ti Disiembre gapu iti ikakaro ti El Niño phenomenon.
Kinuna ti Department of Agriculture (DA) a dagiti mula kas iti mais ken pagay ti nakaro a maapektaran ti tikag a manamnama nga agpaut agingga iti maikadua a paset ti 2024.
Kinissayanen ti gobierno ti taripa para iti bagas iti 35 a porsiento.
Ngimmina ti sangakilo a sibuyas manipud iti PHP181.3 idi Nobiembre, nagbalinen a PhP206.85 iti Disiembre.
Manipud Kadagiti Agdama a Kameng ti Bannawag: Dios ti Agngina!
Manipud iti PhP288.72, nagbalinen a PhP290.91 ti sangakilo a karne ti baboy.
Idi Nobiembre, PhP81.77 ti sangakilo a saba a lakatan, ngem nagbalin a PhP83.47 idi tumapog ti Disiembre.
Iti sabali a bangir, lumaklaka ti presio ti kamatis, galunggong, ken asukar. (Xander Dave Ceballos/Manila Bulletin//Lito Hilidon/Bannawag)
