Naideklarar a kas Manlilikha ng Bayan iti 2023 ni Adelita Romualdo Bagcal, dumadallot a taga-Banna, Ilocos Norte, babaen ti Proclamation No. 427 nga inyetnag ni Presidente Ferdinand R. Marcos Jr. itay Disiembre 15.
Napadayawan ni Ina Lita (awag dagiti kasinged ken kailianna) gapu iti naisangsangayan a kabaelanna nga agdallot ken iti panangitandudona iti panagdallot kas mayebkas a tradision (oral tradition), kas mayannugot iti Republic Act No. 7355 a mangbigbig ken mangpadayaw kadagiti National Living Treasures (maawagan ti pammadayaw kas Gawad Manlilikha ng Bayan wenno GAMABA) wenno maysa nga umili wenno ragup dagiti umili nga addaan naidumduma a paglaingan ken artistiko a kinaekselente iti aniaman a tradisional nga arte a Filipino.
Am-ammo ni Ina Lita a nalaing a dumadallot saan la nga iti ilina a Banna ngem uray iti sibubukel nga Ilocos Norte. Kanayon a maawis nga agdallot kadagiti dadakkel a pasken ken taripnong. Uray iti salip ti dallot, isu ti agkamkampeon.
Ti Gunglo dagiti Mannurat nga Ilokano iti Ilocos Norte (GUMIL Ilocos Norte) ti nanginominar ken ni Ina Lita tapno maipaayan iti Gawad Manlilikha ng Bayan.
TURISMO: Intayon Idiay Ayuyang Garden iti Pila, Siudad ti Laoag!
Kadua ni Ina Lita ti walo pay nga umili a naideklarar kas Manlilikha ng Bayan manipud iti nadumaduma a paset ti Filipinas, da: Amparo Balansi Mabanag, Gaddang nga agborborda manipud Paracelis, Mountain Province; Abina Tawide Coguit, Manobo nga agborborda manipud La Paz, Agusan del Sur; Sakirnur-ain Mugong, master ti tradisional a sala, manipud Bongao, Tawi-Tawi;
Bundos Bansil Fata, T’boli a brasscaster manipud Lake Sebu, South Cotabato; Marife Ravidas Ganahon, Higaoanon nga aglaglaga iti ikamen manipud Malaybalay, Bukidnon; Samporonia Pagsac Madanlo, Mandaya a mangngabel manipud Caraga, Davao Oriental; Barbara Kibed Ofong, T’boli a mangngabel manipud Lake Sebu, South Cotabato; ken Rosie Godwino Sula, T’boli a chanter manipud Lake Sebu, South Cotabato. (RVA)
(Ammuen ti ad-adu pay maipapan ken ni Ina Lita, basaen ti salaysay nga Iti Ilimi a Banna: "Ay, Dallot, Dumidinallot, Dumidinallang..." nga immuna a naipablaak iti Pebrero 16-28, 2022 a bilang ti Bannawag.)
Magatang ti Bannawag kadagiti sukiyo nga aglaklako iti pagiwarnak ken magasin.
Mabalin pay a magatang ti Bannawag iti
Shopee: http://bit.ly/Bannawag-Shopee
Lazada: http://bit.ly/Bannawag-Lazada
Para iti digital a kopia:
PressReader: http://bit.ly/3n83kNQ
Magzter: http://bit.ly/407pazG
Para iti subskripsion, ag-email iti [email protected]. Para iti dadduma pay a detalye, kontaken ti Circulation Department iti 8527-8121 Loc. 369, wenno iti CP No. 09567620852.
Para kadagiti kompleto a sarita, nobela, daniw, salaysay ken dadduma pay, bisitaen ti opisial a website ti Bannawag iti https://bannawag.ph
Laglagipenyo koma met, kakailian, nga ag-join/i-follow (ka)dagiti official a social media account/page/group ti Bannawag,
iti Instagram: https://www.instagram.com/bannawagmagazine
iti Twitter: https://twitter.com/BannawagMagasin
Facebook Page: https://www.facebook.com/BannawagMagasin
Facebook Public Group: https://www.facebook.com/groups/bannawag.magazine
Dios ti agngina.
Isip pabaknangen, Bannawag ti basaen!
