Nainauguraran ti agpateg iti PhP18-milion a moderno a dua-kadsaaran ken innem ti kuartona a pagklasean a pasdek ti eskuela a pinonduan ti Philippine Amusement and Gaming Corporation (PAGCOR) iti Pura, Tarlac idi Disiembre 20, 2023.
Agpaay ti pasdek iti Nilasin 1st Elementary School, maysa kadagiti eskuela publiko iti Pura a naapektaran dagiti pasdekna iti napigsa a ginggined idi 1990.
Tapno maaddaan dagiti agad-adal iti napimpintas ken nataltalged a pasdek a pagadalan, inyasideg ni Mayor Freddie Domingo ti Pura iti PAGCOR ti dawatda a maipaayan koma ti Nilasin 1st Elementary School iti earthquake-resistant nga school building.
Kadua ni Mayor Domingo iti inaugurasion ti school building dagiti opisial ti PAGCOR nga indauluan ni Assistant VP for Community Relations and Services Eric Balcos, dagiti mangisursuro ken estudiante ti Nilasin 1st Elementary School, dagiti lokal nga opisial ti ili, kdp. nga umili ti Pura.
TURISMO: Intayon Idiay Ayuyang Garden iti Pila, Siudad ti Laoag!
"Saan la a pasayaaten daytoy a napateg a kontribusion iti edukasional nga impraestruktura ngem tapno manamnama ti natalged a masakbayan dagiti estudiantetayo," kinuna ni Mayor Domingo.
Segun met ken ni Balcos, "ti edukasion ti panuli ti panagprogreso, ket babaen kadagiti kas i'toy nga inisiatibo (ti PAGCOR), saantayo laeng a mangar-aramid kadagiti pasdek ngem mangipapaaytayo kadagiti pagrangtayan para iti naranraniag a masakbayan para iti komunidad." (RVA/Bannawag)
Magatang ti Bannawag kadagiti sukiyo nga aglaklako iti pagiwarnak ken magasin.
Mabalin pay a magatang ti Bannawag iti
Shopee: http://bit.ly/Bannawag-Shopee
Lazada: http://bit.ly/Bannawag-Lazada
Para iti digital a kopia:
PressReader: http://bit.ly/3n83kNQ
Magzter: http://bit.ly/407pazG
Para iti subskripsion, ag-email iti [email protected]. Para iti dadduma pay a detalye, kontaken ti Circulation Department iti 8527-8121 Loc. 369, wenno iti CP No. 09567620852.
Para kadagiti kompleto a sarita, nobela, daniw, salaysay ken dadduma pay, bisitaen ti opisial a website ti Bannawag iti https://bannawag.ph
Laglagipenyo koma met, kakailian, nga ag-join/i-follow (ka)dagiti official a social media account/page/group ti Bannawag,
iti Instagram: https://www.instagram.com/bannawagmagazine
iti Twitter: https://twitter.com/BannawagMagasin
Facebook Page: https://www.facebook.com/BannawagMagasin
Facebook Public Group: https://www.facebook.com/groups/bannawag.magazine
Dios ti agngina.
Isip pabaknangen, Bannawag ti basaen!
