Daniw ni PRODIE GAR. PADIOS
001:
Dinto maumag iti senarion' lagip: Sika
a nagkorona't malabi ti ubbog iti danat' biag
iti ginget burayok, iti sep-ang naibaskag
bimmalitok a kataltalonan: anniniwan
nagtapungor rosas-belo a madonna't away…
002:
Iti ungtot' tambak, agpaypayapay ti kabambantayan
agbakut dapandapan iti taklay 'ti kabingkolan--
ket agrukobka man, kas iti agsabong a kawayan
ridam-piekka latta iti salemsem parbangon
a pannakain-inaw kuridemdem a bigbigat!
003:
Iti dana ti biag: ti sappupot' burayok
iti ikub-bantay, maipintaka--aglunglung-ay
a digdigosen sinamar: sika, patgek: nagkorona
malabi ti ubbog nga ep-ep ti adu a pannakawaw…
004:
Iti kataltalonan: maan-anin balitok a bukbukel!
5 a Daniw
005:
Ah, kambas ti obra maestra: ladawan ti punganay
iti pinsel 'di dimmakkel iti pekpekkel a maladaga
iti uratan nga ima aglumenen kayumanggi a madonna…
006:
I'toy nga agmatuon 'di maladaga; a sardam
ti punganay: maipalais serenada anek-ek-puso
iti nangdamili't kinatao iti trono't paraiso--
007:
Adtoyak: kurengrengek kuerdas ti kutibeng: tapno
agdanggay 'di kalman, ti ita ken ti inton bigat
iti sirkulo ti lubong: sumrek naindaklan nga ayat!
(Umuna a Gunggona, Salip iti Daniw ti Constancia V. Lansangan Literary Awards (COVLLA) 1991-1992. Naipablaak iti Mayo 25, 1992 a bilang ti Bannawag.)
Magatang ti Bannawag kadagiti sukiyo nga aglaklako iti pagiwarnak ken magasin.
Mabalin pay a magatang ti Bannawag iti
Shopee: http://bit.ly/Bannawag-Shopee
Lazada: http://bit.ly/Bannawag-Lazada
Para iti digital a kopia:
PressReader: http://bit.ly/3n83kNQ
Magzter: http://bit.ly/407pazG
Para iti subskripsion, ag-email iti [email protected]. Para iti dadduma pay a detalye, kontaken ti Circulation Department iti 8527-8121 Loc. 369, wenno iti CP No. 09567620852.
Para kadagiti kompleto a sarita, nobela, daniw, salaysay ken dadduma pay, bisitaen ti opisial a website ti Bannawag iti https://bannawag.ph
Laglagipenyo koma met, kakailian, nga ag-join/i-follow (ka)dagiti official a social media account/page/group ti Bannawag,
iti Instagram: https://www.instagram.com/bannawagmagazine
iti Twitter: https://twitter.com/BannawagMagasin
Facebook Page: https://www.facebook.com/BannawagMagasin
Facebook Public Group: https://www.facebook.com/groups/bannawag.magazine
Dios ti agngina.
Isip pabaknangen, Bannawag ti basaen!
