Addan Ilokano nga edision ti libro a Night Owl: A Nationbuilder’s Manual a sinurat ni dati a Build Build Build Committee Chairperson Anna Mae Yu Lamentillo a nakaibaskagan ti komprehensibo a pannakaamiris ti infrastructure policy ti Filipinas iti babaen ti programa a Build Build Build ni dati a Presidente Rodrigo Duterte.
Agpuskol iti 376 a panid, iburay daytoy a libro dagiti kangrunaan nga impormasion maipanggep iti ibilang ti administrasion ni Duterte a kas “Nabalitokan a Panawen ti Impraestruktura ti Filipinas” agraman dagiti kangrunaan a benneg ti programa a kas iti EDSA Decongestion Program, Luzon Spine Expressway Project, Mega Bridge Masterplan, Metro Manila Logistics Network, ken Mindanao Road Development Network.
Nairaman pay iti libro ti maipanggep iti Build Better More a gannuat ti administrasion ni Presidente Ferdinand “Bongbong” R. Marcos Jr.
Adda met paset a naisangrat a nakayam-ammuan dagiti kangrunaan a tattao nga adda iti likudan ti Build Build Build, kas kada dati a Presidente Duterte, Senador Mark Villar, dati a Transportation Secretary Arthur Tugade, dati nga Executive Secretary Medialdea, dati a CEO ti Bases Conversion and Development Authority (BCDA) Vince Dizon, dati a Finance Secretary Carlos Dominguez III, Budget Secretary Benjamin Diokno, ken Senador Christopher Lawrence “Bong” Go.
Manipud Kadagiti Agdama a Kameng ti Bannawag: Dios ti Agngina!
Ti Night Owl: A Nationbuilder’s Manual ti umuna a libro ni Lamentillo, nagpaay a kas Chairperson ti Build Build Build Committee ken Spokesperson ti Department of Public Works and Highways (DPWH), iti babaen ti liderato ni dati a DPWH Secretary nga itan Senador Mark Villar.
Naadaw ti paulo daytoy a libro manipud iti maminsan-iti-kada dua a lawas a kolumna a Night Owl iti Op-Ed section ti Manila Bulletin, kabsat a pagiwarnak ti Bannawag, a pagsursuratanna iti mapanen a walo a tawen.
Immuna a nairuar ti Ti Night Owl: A Nationbuilder’s Manual iti bersion daytoy iti Ingles idi Disiembre 2021 babaen ti panangipablaak ti Manila Bulletin Publishing Corp. Nairuar kalpasanna ti maikadua nga edision ket daytoy napabaro nga edision ti naipatarus iti Ilokano, Sinugboanong Binisaya, ken Tagalog.
Nairaman iti maikadua nga edision ti komento dagiti teddek ti politika iti Filipinas maipanggep iti libro, a pakairamanan da dati a Presidente Gloria Macapagal-Arroyo, dati a Senate President Manny Villar, dati a House Speaker Jose De Venecia Jr., Senate Pro-Tempore Loren Legarda, Senador Cynthia Villar, dati a University of the Philippines President Danilo L. Concepcion, malaksid ti adu pay a sabsabali.
Nagpapaay ni Lamentillo a kas Undersecretary for Foreign Relations and Public Affairs ti Department of Information and Communications Technology (DICT). Sakbayna, nagpaay nga Assistant Secretary ti Departamento.
Kadagiti interesado a maaddaan iti kopia, awaganda laeng ti Circulation Department ti Manila Bulletin Publishing Corp. iti hotline no. 8527-8121.
