Pinasingkedan ni Presidente Ferdinand "Bongbong" Marcos Jr. itay Enero 2, ti pannakapatibker ti pannakigayyem ti Filipinas iti Vietnam ken Timor-Leste.
Imparangarang ni PBBM daytoy a panggep bayat ti panangpasangbayna kadagiti embahador dagiti dua a pagilian iti Manila a nangidatag kadagiti dokumento a mangpasingked iti saadda.
Namnamaen ni Presidente Marcos nga iti pannakadutok ni Lai Thai Binh a kas baro nga Embahador ti Vietnam iti Filipinas, a mapatibker pay ti relasion ti Filipinas ken Vietnam a naipasdek idi Hulio 12, 1976.
Pinasangbay pay ni Presidente Marcos ni Marciano Octavio Garcia Da Silva a kas baro a nadutokan nga Embahador ti Timor-Leste iti Filipinas, ket kinunana a daytoy ti mangiparipirip iti rumayrayray a relasion ti Filipinas ken Timor-Leste.
Manipud Kadagiti Agdama a Kameng ti Bannawag: Dios ti Agngina!
Rinambakan ti Filipinas ken Timor-Leste ti 21 a tawen a panagkadua dagitoy idi Mayo, 2023. (Betheena Unite/Manila Bulletin/Lito Hilidon/Bannawag)
