Impakaammo ti Civil Service Commission-National Capital Region (CSC-NCR) babaen ti paskil iti social media itay Enero 2 a naisanud ti maudi nga aldaw ti panagipila iti aplikasion para iti Career Service Examination-Pen and Paper Test (CSE-PPT) manipud iti Enero 3 iti Enero 12 wenno agingga a mapno ti natda pay a bakante, ania man ti umuna kadagitoy.
Maawat dagiti aplikasion mangrugi iti Lunes agingga iti Biernes, manipud iti 9:00 iti bigat agingga iti 4:00 iti malem iti Fishermall, Upper Ground Floor, Event Center, Quezon City; SM Manila, Cinema Cluster B, 4L West Wing iti Manila; ken SM North EDSA, Ground Floor Interior Zone iti Quezon City.
Iti sabali a bangir, agingga iti Enero 3 laeng a maawat dagiti aplikasion kadagit opisina ti CSC iti SM Megamall ken SM Mall of Asia. (Ellalyn De Vera-Ruiz/Manila Bulletin//Lito Hilidon/Bannawag)
