TAO, LUGAR, PASAMAK: Sadiay Pinili-Bannawag

PINILI, ILOCOS NORTE. Nairaman kadagiti nagsapata nga opisial ti barangay itoy nga ili iti sanguanan ni Dip. Angelo Marcos Barba (tengnga, maikadua a linia) ken dagiti opisial ti gobierno lokal itoy nga ili nga idauluan ni Mayor Rommel T. Labasan (tengnga, kakanawanan) dagiti baro nga opisial ti Brgy. Puritac nga idauluan ni Punong Barangay Oscar T. Fontanilla (sango, maikapat iti kanigid). Nagsapata dagitoy idi Nobiembre 30, 2023 iti Pinili Municipal Amphitheater ken nangrugi met ti panagtakemda idi Disiembre 1, 2023. Dagiti nagsapata nga opisial ti Brgy. Puritac (sango, agpakanawan): Kgd. Zenith Giliw Gajultos, Kgd. Benjamin B. Rambaud, Kgd. Noli A. Bacena, PB Oscar T. Fontanilla, Kgd. Noel A. Lorenzo, Kgd. Daniel Galdores, Kgd. Emil Laed, ken Kgd. Cherry Pagdilao. Maikadua a linia (agpakanawan): Bise Mayor Maynard Francis Bumanglag, Dip. Angelo Marcos Barba, ken Mayor Rommel T. Labasan. Maikatlo a linia (agpakanawan): SBM Mel Lawrence O. Coloma, SBM Allen Bumanglag, ken SBM Rey Gabur. Maudi a linia (agpakanawan): SBM Reizel Cabie, SBM Ericson Lumbo, SBM Jojo Tugas, ken SBM Marie Grace Aganus. Ni PB Oscar T. Fontanilla ti maikatlo a henerasion iti kaamaan dagiti nagkapitan ti barangay ti Puritac; immuna daydi lilona a Vicente a nabayag a nag-teniente del barrio; simmaruno daydi tatangna, Casiano, a napaut met a nagpapaay a kapitan ti bario. Kaingungot ni PB Fontanilla ni dati nga Anabel Utrera ti Magsingal, I.S. Addaanda iti dua nga annak, da John Carlo (maysa a mechanical engineer ken adda ita idiay Canada), ken Jigo. (Teksto: Aileen R. Rambaud)

(Naipablaak iti Enero 16-31, 2024 a bilang ti Bannawag.)

Magatang ti Bannawag kadagiti sukiyo nga aglaklako iti pagiwarnak ken magasin.

Para iti subskripsion, ag-email iti [email protected]. Para iti dadduma pay a detalye, kontaken ti Circulation Department iti 8527-8121 Loc. 369, wenno iti CP No. 09567620852.