Inwardas ni LTO chief Asst. Sec. Vigor D. Mendoza II ti naangay a command conference itay Enero 22 tapno pagsasaritaanda no kasano a maipatungpal ti ganuat kontra iti kolorum a luglugan, ken ti "No Registration, No Travel policy" ti LTO.

Agsagsaganan ti Land Transportation Office (LTO) a mangtiliw kadagiti kolorum a public utility vehicle (PUV) ken dagiti lugan a saan a napabaro ti rehistrona iti entero a pagilian.

Imbatad ni LTO chief Assistant Secretary Vigor D. Mendoza II itay Enero 22 no kasano a maipatungpal ti pagannurotan a "No Registration, No Travel."

Kinuna ti Department of Transportation (DOTr) a bayabayen ti Philippine Coast Guard (PCG) ken dadduma pay nga ahensia ti gobierno daytoy a gannuatda.

Innayon ti DOTr a malaksid iti kalsada, ingetanda pay ti panangtiliwda kadagiti pantalan ken tollway.

Eksklusibo iti Website
Manipud Kadagiti Agdama a Kameng ti Bannawag: Dios ti Agngina!

Manipud Kadagiti Agdama a Kameng ti Bannawag: Dios ti Agngina!

Impaganetget ni Mendoza a kasapulan a mapabaro ti rehistro ti agarup 24.7 a milion a lugan babaen ti inaldaw a panagtiliw dagiti kameng ti LTO.

Kinunana pay a malaksid iti Philippine National Police (PNP) a kadawyan a kaasmang ti LTO, napateg ti pannakitunos dagiti local government unit (LGU) iti pannakaipatungpal iti gandat ti LTO. (Aaron Recuenco/Manila Bulletin//Lito Hilidon Bannawag)