Pinirmaan ti Filipinas ken Vietnam ti katulagan a Rice Trade Cooperation itay Enero 30. Agpaut ti nasao a katulagan iti 5 a tawen.
Maibatay iti Memorandum of Understanding (MOU), agtinnulong dagiti dua a pagilian mainiag iti panagangkat iti bagas tapno agbalin a natalged ti suplay ti bagas iti Filipinas gapu iti epekto ti panagbaliw ti klima, angol, ken dadduma pay pasamak.
Immanamong ti Vietnam a tinawen a suplayanna ti Filipinas iti 1.5-milion agingga iti 2-milion metrika tonelada (MT) a bagas iti nababbaba a presio babaen ti pribado a sektor, iti las-ud ti lima a tawen.
Manamnama nga agtinnulong dagiti dua a pagilian iti panagbinninglay iti impormasion, gandat ken paglintegan, ken dadduma pay a pakaseknan a mainaig iti panagangkat iti bagas.
TURISMO: Intayon Idiay Ayuyang Garden iti Pila, Siudad ti Laoag!
Sipud idi Mayo 2023, addan naangkat ti Filipinas a 1.5-milion a tonelada ti bagas manipud iti Vietnam nga aggatad iti $772.4-milion.
Malaksid iti daytoy, nasangal pay dagiti dadduma a katulagan a kas iti Cooperation in Agriculture and Related Fields ken ti MOU on Incident Prevention and Management in the South China Sea. (Betheena Unite/Manila Bulletin//Lito Hilidon/Bannawag)
