Binalakadan ni Cagayan de Oro City 2nd district Rep. Rufus Rodriguez itay Enero 31 ti bunggoy ni dati a Presidente Rodrigo Duterte maipapan iti kunkunada a panggep ti People’s Initiative (PI) ti pannakapaadda ti posision a Prime Minister.
Segun ken ni Rodriguez a daulo ti House Committee on Constitutional Amendments, saan nga umdas ti PI a mangbaliw iti dayta a benneg ti turay.
Kinuna ni Rodriguez nga awan ti legal a kaibatogan ti ibagbaga ti bunggoy ti pasado a Presidente a maaramat ti PI iti pannakaipasdek ti dadduma a tao a kas Prime Minister ken aglaylayon ti panagturayda.
Imbatad ni Rodriguez a saan a mabalin a baliwan ti sistema ti gobierno babaen ti PI, idinto a panangamendar iti Konstitusion laeng ti panggep daytoy. (Ellson Quismoro/Manila Bulletin//Lito Hilidon/Bannawag)
