Impakaammo ni Presidente Ferdinand Marcos Jr. itay Pebrero 6 a nangrugin a mabayadan dagiti napaawid nga Overseas Filipino Worker (OFW) dagiti construction company iti Saudi Arabia gapu iti pannalugida idi 2015 ken 2016.
Segun iti Presidente, naiproseson ti Overseas Filipino Bank ken Land Bank ti 1,104 nga Alinma Bank Indemnity Cheque.
Agdagup iti PHP868,740,544 nga indemnity check ti pinatalgedan ti Alinma Bank babaen ti Landbank of the Philippines ken naipan iti Overseas Filipino Bank (OFB).
Kinuna ni Presidente Marcos a tinungpal ni Saudi Crown Prince Mohammed bin ti karina idi Nobiembre, 2022 nga agbayad ti Saudi iti 2-bilion a Riyal kadagiti 10,544 nga OFW a naapektaran ti pannakalugi dagiti construction company ti Saudi siam a tawenen ti napalabas. (Betheena Unite/Manila Bulletin//Lito Hilidon/Bannawag)
