Naangay ti umuna a Kamote Festival iti Moncada, Tarlac itay Pebrero 11 a kas pagyaman ti ili iti adu nga apitda a kamote (kaong).
Ilunglungalong ti Moncada ti kinapateg ti panagmula iti kamote isu a nagbalinen a paset daytoy ti piesta ti ili tunggal maikadua a lawas ti Pebrero.
Ti Moncada ti mabigbigbig a kangrunaan a paggapgapuan ti kamote iti probinsia, a mangipapaay iti 49 a porsiento ti apit iti kamote itay napan a tawen.
Addan nadumaduma a produkto manipud iti kamote a kas iti arak ken sorbetes.
Manipud Kadagiti Agdama a Kameng ti Bannawag: Dios ti Agngina!
Walo a gunglo manipud iti walo a distrito a mangibagbagi iti 40 a barangay ti nangiparang iti panagsala, agraman dagiti karro ti nagparada agingga iti balay ti ili (municipal hall) ti Moncada. (Zaldy Comanda/Manila Bulletin//Lito Hilidon/Bannawag)
