Suksukimaten dagiti kameng ti polis ken inheniero ti Siudad ti San Jose del Monte ti maikadua a kadsaaran ti St. Peter Parish Church a narpuog itay Pebrero 14. (Ladawan: Pammadayaw ti City of San Jose del Monte Information Office Facebook Page)

Mapanen a 44 a tao ti nadangran kalpasan a marpuog ti maikadua a kadsaaran ti St. Peter Church iti Barangay Tungkong Mangga iti San Jose Del Monte, Bulacan iti katengngaan ti misa itay agsapa ti Pebrero 14.

Segun ken ni Chief City Disaster Risk Reduction and Management Office (CDRRMO) Gina Ayson, kayo ti datar ti maikadua a kadsaaran ti simbaan ket napno ti tao daytoy, isu a narpuog.

Kinuna ni Ayson a nupay natarimaan idin ti uneg ken maikadua a kadsaaran ti simbaan, nagtalinaed latta ti daan a pasdek daytoy.

Segun ken ni Ayson, adda laeng bassit a sugat ken pannakadangran dagiti biktima a naitarayen iti kaasitgan nga ospital, idinto nga awan ti naipadamag a natay.

Eksklusibo iti Website
TURISMO: Intayon Idiay Ayuyang Garden iti Pila, Siudad ti Laoag!

TURISMO: Intayon Idiay Ayuyang Garden iti Pila, Siudad ti Laoag!

Imbilin ni Mayor Arthur Robes a maiserra pay laeng ti duduogan a simbaan agingga a maamiris daytoy ti City Engineering Office ken Office of City Buildings. (Christopher Lloyd Caliwan/PNA//Lito Hilidon/Bannawag)