Dua a pammigbig ti inyalat ni Luce Domini F. Melegrito iti kalkalpas a 10th Philippine Student Quill Awards nga idauluan ti International Association of Business Communicators Philippines (IABC Philippines)—umuna, para iti proyektona a “Sangagasút a Sagút, Sangagasút a Ságut (A Century of Ilokano Legacy)” idi adda iti senior high school iti Philippine High School for the Arts.
Inawat ni Luce ti Award of Excellence iti kategoria nga Audio/Visual, ken Award of Merit iti kategoria nga Special and Experiential Events, para iti sukisok (research) ken dibuhona a nangitampok iti Ilokano diaspora ken panagabel.
Maysa pay ni Luce kadagiti lima a nominado nga estudiante para iti Kangatuan a Gunggona iti dibision a Communication Skills.
Kadua ni Luce iti ladawan da nanangna a Faye Q. Flores-Melegrito ken lolana nga Atty. Lutricia F. Quitevis-Alconcel. Nagkawes ni Luce ti abel bolero manipud iti Rowilda’s Loomweaving.
TAO, LUGAR, PASAMAK: Ni Bagyo Nika iti Brgy. Sto. Tomas, Alicia, Isabela
Manipud idi 2018, tinawen a mausar dagiti dibuho ni Luce a para iti akkub ti Bannawag. Addaan dagitoy kadagiti elemento a mangitandudo iti kaugalian ni Ilokano. Maikasiam nga aramidna ti akkub ti magasin para iti Paskua 2023, ti “Panangilili ti Iliw,” a mangipakitaa iti maysa a pamilia nga Ilokano nga adda iti ballasiw-taaw a nagkawes iti abel Iloko a kas wagas ti pananglagipda iti lugar a nagtaudanda.
Adda ita ni Luce iti maikadua a tawen iti College of Fine Arts, University of the Philippines-Diliman. Maysa ni Luce nga iskolar ti UPD Visual Arts and Cultural Studies Scholarship Program ken ti Cultural Center of the Philippines - Philippine High School for the Arts Scholarship Program for Visual Arts. Dimmakkel iti Marikina City ngem sipapannakkel a mangbigbig iti Ilocos Sur, La Union, ken Tarlac a kas nagtaudan ti pulina.
Naipablaak iti benneg nga Ammuem Pay Daytoy iti Marso 1-15, 2024 a bilang ti Bannawag.
Magatang ti Bannawag kadagiti sukiyo nga aglaklako iti pagiwarnak ken magasin.
Para iti subskripsion, ag-email iti [email protected]. Para iti dadduma pay a detalye, kontaken ti Circulation Department iti 8527-8121 Loc. 369, wenno iti CP No. 09567620852.
Mabalin pay a magatang ti Bannawag iti
Shopee: http://bit.ly/Bannawag-Shopee
Lazada: http://bit.ly/Bannawag-Lazada
Para iti digital a kopia:
PressReader: http://bit.ly/3n83kNQ
Magzter: http://bit.ly/407pazG
Para kadagiti kompleto a sarita, nobela, daniw, salaysay ken dadduma pay, bisitaen ti opisial a website ti Bannawag iti https://bannawag.ph
Laglagipenyo koma met, kakailian, nga ag-join/i-follow (ka)dagiti official a social media account/page/group ti Bannawag,
iti Instagram: https://www.instagram.com/bannawagmagazine
iti Twitter: https://twitter.com/BannawagMagasin
Facebook Page: https://www.facebook.com/BannawagMagasin
Facebook Public Group: https://www.facebook.com/groups/bannawag.magazine
Dios ti agngina.
Isip pabaknangen, Bannawag ti basaen!
