TAO, LUGAR, PASAMAK: Sadiay Dupax del Norte, Nueva Vizcaya-Bannawag

DUPAX DEL NORTE, NUEVA VIZCAYA. Impaayan ti lokal a gobierno ti Dupax del Norte, Nueva Vizcaya dagiti senior citizen ti ili nga agtawen iti 80-100 iti cash assistance kas nayon ti social pension para kadagiti senior citizen manipud iti Department of Social Welfare and Development (DSWD). Sag-PhP1,000 ti naited kadagiti octogenarian (80 agpangato) ken nonagenarian (90 agpangato) idinto a PhP30,000 iti centenarian (edad 100) a ni Romana Galanta (tengnga, nakatugaw iti wheelchair) ti Barangay Bitnong. Nakaawat pay ni Apo Galanta iti PhP100,000 manipud iti gobierno probinsial ti Nueva Vizcaya ken PhP100,000 manipud iti DSWD.

Segun ken ni Mayor Timothy Joseph Cayton (maikatlo manipud kanigid), paset ti ordinansa ti ili ti pannakaipaay iti ayuda kadagiti senior citizen, nangruna kadagiti agkasapulan iti agas, bitamina, ken dadduma pay. Innayonna a plano ti Sangguniang Bayan ti pannakaamendar ti ordinansa tapno mairaman dagiti septuagenarian (70 agpangato) kas benepisiario. (PIA Nueva Vizcaya/Ladawan: LGU Dupax Del Norte)

Naipablaak iti Marso 1-15, 2024 a bilang ti Bannawag.

Magatang ti Bannawag kadagiti sukiyo nga aglaklako iti pagiwarnak ken magasin.

Para iti subskripsion, ag-email iti [email protected]. Para iti dadduma pay a detalye, kontaken ti Circulation Department iti 8527-8121 Loc. 369, wenno iti CP No. 09567620852.