Pudno a narambak ti naisayangkat a “Parambak Ditoy Talon” iti Mariano Marcos State University (MMSU) iti Siudad ti Batac, Ilocos Norte. Agarup 700 nga umili a buklen dagiti nadumaduma nga stakeholder ken kabinnulig ti MMSU a kas kadagiti opisial dagiti nadumaduma nga ahensia ti probinsia, local government units, mannalon, women in development, estudiante, agraman dagiti opisial ken agserserbi iti MMSU ti nagatendar iti “Parambak Ditoy Talon” a kas paset ti Maika-46 a panagkasangay ti unibersidad. Adu dagiti aktibidad a naisayangkat a kas iti booth exhibit dagiti nadumaduma a kolehio ken units ti unibersidad, panaglako iti natnateng ken dadduma pay a produkto, pannakaidispley ken pannakaiparaman dagiti produkto, panagburas kadagiti nateng iti naipasdek a demonstration farm a namulaan ti nadumaduma a natnateng, ken dadduma pay. Nairaman iti umuna a ladawan kadagiti napan nakipagburas da Mr. Randolf Brian Cabanatan (kanigid), School Principal I ti City of Batac National High School ken Payao Elementary School ken Mr. James R. Ammasi (kanawan), School Principal I ti Salet Elementary School, Laoag City. Nagtengngaanda ni Dr. Shirley C. Agrupis, Presidente ti MMSU.
Iti maikadua a ladawan, siraragsak met dagitoy a tallo ga inna ti pagtaengan a nagburas iti natnateng nga inyawidda. Nailako dagiti naburas iti PhP20 kada supot, uray ania a klase, kas iti tarong, okra, karabasa, petsay, kamotig (kamote), bawang, sibuyas, balangeg, ken dadduma pay.
Iti maikatlo a ladawan, malaksid kadagiti naburas nga apit, nailako pay dagiti patubo a bunubon manipud kadagiti mannalon a kabinnulig ti MMSU. (Mercy Ramos Gaño)
Magatang ti Bannawag kadagiti sukiyo nga aglaklako iti pagiwarnak ken magasin.
Para iti subskripsion, ag-email iti [email protected]. Para iti dadduma pay a detalye, kontaken ti Circulation Department iti 8527-8121 Loc. 369, wenno iti CP No. 09567620852.
Mabalin pay a magatang ti Bannawag iti
Shopee: http://bit.ly/Bannawag-Shopee
Lazada: http://bit.ly/Bannawag-Lazada
Para iti digital a kopia:
PressReader: http://bit.ly/3n83kNQ
Magzter: http://bit.ly/407pazG
Para kadagiti kompleto a sarita, nobela, daniw, salaysay ken dadduma pay, bisitaen ti opisial a website ti Bannawag iti https://bannawag.ph
Laglagipenyo koma met, kakailian, nga ag-join/i-follow (ka)dagiti official a social media account/page/group ti Bannawag,
iti Instagram: https://www.instagram.com/bannawagmagazine
iti Twitter: https://twitter.com/BannawagMagasin
Facebook Page: https://www.facebook.com/BannawagMagasin
Facebook Public Group: https://www.facebook.com/groups/bannawag.magazine
Dios ti agngina.
Isip pabaknangen, Bannawag ti basaen!
