Nagun-od ti ili ti Currimao, Ilocos Norte ti first runner-up wenno maikapat a puesto iti kalleppas a 2024 Tan-ok ni Ilokano: Festival of Festivals a nakaiparangan ti nadumaduma a festival wenno panagpiesta dagiti ili ken siudad ti Ilocos Norte a naangay iti Ferdinand E. Marcos Memorial Stadium iti Siudad ti Laoag.

Imparang ti Currimao ti Dinaklisan Festival a nangipakitaan dagiti performer iti laingda nga agsala babaen ti nasayud a choreography, a pinangayed pay ti naidumduma a props, a nakaipabuyaan ti panagdaklis.

Nupay saan a nagkampeon ita ti Currimao a kas idi 2023, saan ketdi a makuna a naarus nupay adu ti nagdur-asan ken immiget ti kompetision. Ti pannakairaman dagiti performer ti Currimao kadagiti walo a napili, manipud iti 23 a nagsasalisal nga ili ken siudad, imbunga ti panagtitimpuyog dagiti naanus a nakipaggamulo nga umili ken panangidaulo dagiti opisial ti ili iti babaen ti liderato ni Mayor Edward "Boyet" T. Quilala.

Ti Siudad ti Batac ti napili a grand champion babaen ti imparangda a Fiesta Empanada. Maikadua a puesto met ti Pinili babaen ti Abel Festival, ken maikatlo a puesto ti Vintar a nangiparang iti Siwawer Festival.

Dadduma pay a nangabak: 2nd runner-up, Piddig, Basi Festival; 3rd runner-up, Siudad ti Laoag, Pamulinawen Festival; 4th runner-up, Nueva Era, Tadek Festival; ken 5th runner-up, Badoc, La Virgen Milagrosa Festival. (Oswald A. Valente)

Magatang ti Bannawag kadagiti sukiyo nga aglaklako iti pagiwarnak ken magasin.

Para iti subskripsion, ag-email iti [email protected]. Para iti dadduma pay a detalye, kontaken ti Circulation Department iti 8527-8121 Loc. 369, wenno iti CP No. 09567620852.

Mabalin pay a magatang ti Bannawag iti

Shopee: http://bit.ly/Bannawag-Shopee

Lazada: http://bit.ly/Bannawag-Lazada

Para iti digital a kopia:

PressReader: http://bit.ly/3n83kNQ

Magzter: http://bit.ly/407pazG

Para kadagiti kompleto a sarita, nobela, daniw, salaysay ken dadduma pay, bisitaen ti opisial a website ti Bannawag iti https://bannawag.ph

Laglagipenyo koma met, kakailian, nga ag-join/i-follow (ka)dagiti official a social media account/page/group ti Bannawag,

iti Instagram: https://www.instagram.com/bannawagmagazine

iti Twitter: https://twitter.com/BannawagMagasin

Facebook Page: https://www.facebook.com/BannawagMagasin

Facebook Public Group: https://www.facebook.com/groups/bannawag.magazine

Dios ti agngina.

Isip pabaknangen, Bannawag ti basaen!