Impakaammo ita ti Department of Education (DepEd) a marugianen ti School Year (SY) 2024-2025 inton Hulio 29.
Pinirmaan ni Bise-Presidente ken DepEd Secretary Sara Duterte itay Pebrero 19 ti naipaulog a DepEd Order No. 003 series of 2024 wenno ti Amendment to DepEd Order No. 22 series of 2023 (Implementing Guidelines on the School Calendar and Activities for the School Year 2023-2024).
Maibatay iti impaulog ti DepEd, agleppas ti agdama nga school year (2023-2024) inton Mayo 31, 2024; idinto a mangrugi ti klase ti SY 2024-2025 inton Hulio 29, 2024 ket agleppas inton Mayo 16, 2025.
Kinuna ti DepEd a naipaulog ti nabaliwan a panangirugi iti klase kas sungbat iti idardarirag ti publiko a maisubli koma ti panangrugi iti klase kas iti sakbay iti angol. (Merlina Hernando-Malipot/Manila Bulletin//Lito Hilidon)
