Nasamay ti "Reading Relay"-Bannawag

Salaysay ni AILEEN R. RAMBAUD/ Ladawan: Pammadayaw ni Faye Q. Flores-Melegrito

ADU ti pamuspusan tapno makasursuro nga agbasa a nasayaat ti ubing. Isapulan laeng iti paggugustona nga aramiden. Adda maysa a wagas a makatulongkenkuana iti man uneg ti klasrum wenno iti pagtaengan. Isu daytoy ti “reading relay.”

Nadumaduma met ti wagas a pamay-an iti “reading relay” ngem mabalin a kastoy ti aramiden:

Iti uneg ti klasrum, grupuen ti titser dagiti adalanna iti uppat wenno tallo a grupo wenno agbatay iti kadakkel ti klase.

Kuna ti titser: “Agliliniakayo ditoy sango. Agyankayo iti linia dagiti kagrupoyo. Basaen a nasayaat dagiti itedko a patang. Agtutulagkayo no asino ti umuna nga agbasa. Inton malpas ti umuna, ti met adda iti likudanna ti sumaruno nga agbasa. Kasta a kasta. Sayaaten a basaen. Masapul a husto ti ibaga. Ti umuna a makalpas a makabas a nasayaat agingga iti maudi, isu ti mangabak.

Kaspagarigan no naggapu dagiti patang iti libro a Ti Bassit a Prinsipe:

Ubing 1: Kastan, kinuna ti soro. Ket ita, adtoy ti sekretok, maysa a nakasimsimple a sekreto.

Ubing 2: Babaen laeng ti puso a makitam ti umno.

Ubing 3: Ti banag a napateg ket di makita ti mata.

Ubing 4: Ti banag a napateg ket di makita ti mata, inulit ti bassit a prinsipe tapno manamnamana a dina malipatan.

No asino a grupo ti umuna a makabasa iti nasayaat isu ti mapalakpakan. Babaen ti kastoy a “reading relay,”maabbukay ti rikna dagiti ubbing nga agbasa. Mangitedto manen ti titser iti sabali pay a parapo a basaenda. Sigurado a naragsakdagiti ubbing no kastoy ti aktibidadda.

Mabalin met, manang, nga obraenyo daytoy iti balayyo. Makipaset da manang, manong, ken ading. Mabalin pay da tatang, nanang, lilo, ken lila. Agiinnuna nga agbasa agingga a malpas. Obraenyo daytoy no malpasen ti panangrabii—dayta oras a panagtutungtong.

Gapu ta kasla ay-ayam, magustuan ti ubing ket dina mapupuotan, nalaington nga agbasa. Ken pagaayatnanton ti agbasa kadagiti libro. –O

Agpapaay ti autor a prinsipal ti Salanap Elementary School, Pinili District, Pinili, Ilocos Norte.

(Naipablaak iti Bannawag, Oktubre 1-15, 2023 a bilang.)

Magatang ti Bannawag kadagiti sukiyo nga aglaklako iti pagiwarnak ken magasin.

Para iti subskripsion, ag-email iti [email protected]. Para iti dadduma pay a detalye, kontaken ti Circulation Department iti 8527-8121 Loc. 369, wenno iti CP No. 09567620852.

Mabalin pay a magatang ti Bannawag iti

Shopee: http://bit.ly/Bannawag-Shopee

Lazada: http://bit.ly/Bannawag-Lazada

Para iti digital a kopia:

PressReader: http://bit.ly/3n83kNQ

Magzter: http://bit.ly/407pazG

Para kadagiti kompleto a sarita, nobela, daniw, salaysay ken dadduma pay, bisitaen ti opisial a website ti Bannawag iti https://bannawag.ph

Laglagipenyo koma met, kakailian, nga ag-join/i-follow (ka)dagiti official a social media account/page/group ti Bannawag,

iti Instagram: https://www.instagram.com/bannawagmagazine

iti Twitter: https://twitter.com/BannawagMagasin

Facebook Page: https://www.facebook.com/BannawagMagasin

Facebook Public Group: https://www.facebook.com/groups/bannawag.magazine