Kitkitaen ni Raymond Dela Cruz, maysa a mannalon, dagiti paset ti natikagan a taltalon iti Pulilan-Baliuag bypass road. Segun kenkuana, nakamulada koman itay Enero, ngem ita laeng a simmangpet ti danum ti irigasion, gapu ta kangitingitan ti epekto ti El Niño phenomenon iti Pebrero.

Gapu iti agtultuloy a panangdidigra ti El Niño phenomenon iti pagilian, mapanen a PhP357.4 a milion ti balor ti nadadael iti sektor ti agrikultura, ken 8,000 a mannalon ti naapektaran, segun iti Department of Agriculture (DA) itay Pebrero 25.

Iti datos ti DA, 7,688 a mannalon ti naapektaran iti probinsia ti Ilocos Region, MIMAROPA (Mindoro, Marinduque, Romblon, ken Palawan), Western Visayas, ken Zamboanga Peninsula.

Segun iti DA, 11,480-metrika tonelada (MT) a bagas (agbalor iti PhP284.27-milion); 2,987-MT a mais (agbalor iti PhP60.70-milion); ken 225-MT a nabalor a mula wenno high-value crops (agbalor iti PhP12.41-milion) ti dinadael ti El Niño.

Kinuna ti DA-Disaster Risk Reduction and Management Operations Center (DA-DRRMOC) a mangtedda iti bukbukel ti nateng iti Western Visayas ken Ilocos Region, agraman ramen ti panagtalon iti nabalor a mula iti Zamboanga Peninsula.

Eksklusibo iti Website
Manipud Kadagiti Agdama a Kameng ti Bannawag: Dios ti Agngina!

Manipud Kadagiti Agdama a Kameng ti Bannawag: Dios ti Agngina!

Kinuna ti DA a ti panagusar iti solar-powered irrigation systems ti mabalin a mangnayon iti padanum kadagiti naapektaran nga ili.

Innayon pay ti DA a rinugiandan ti cloud-seeding iti Cagayan Valley.

Kidkiddawen ti DA ti pannakitinnulong ti Department of Social Welfare and Development (DSWD) ken ti Department of Labor and Employment (DOLE) tapno maipayaan iti tulong-pinansial dagiti naapektaran a mannalon. (Stephanie Sevillano/PNA//Lito Hilidon/Bannawag)