Tinontonelada a tarong ti burburasen iti linawas ni mannalon Lucio Capela kaduana ti kaingungotna a ni Ruby ti Abuor, Narvacan, Ilocos Sur iti talonda iti Dinalaoan, Narvacan. Angkaten met dagiti komersiante a taga-Sta. Maria, Ilocos Sur ti apitda a tarong agraman dadduma pay nga apitda a nateng a kas iti tabungaw ken paria, ket ibiaheda idiay Siudad ti Urdaneta, Pangasinan.
Pagyamanan ni Capela, mangidadaulo kadagiti mannalon iti Abuor, ti tulong ti ama ti ilida, ni Mayor Pablito Sanidad, iti tulong ti local government unit ti Narvacan a ramit a pagtalon agraman ganagan ken dadduma pay a kasapulan iti panagtalon.
“Mainspirarkami nga agmula gapu kadagitoy a tulong,” kinuna ni Capela.
Innayonna a dakkel met ti maitultulong ti Municipal Agriculture Office ti Narvacan nga idauluan ni Gary Cardona a mangisursuro kadagiti mannalon kadagiti teknolohia tapno ad-adda pay a sumayaat ti apitda.
Nagun-od ni Capela ti maikadua a puesto iti salip iti “Pinaka” kabayatan ti Agri Day iti Ilocos Sur a nakisalipan dagiti mannalon iti probinsia iti kinnaatiddogan iti naapit a tabungaw. (Eliseo B. Contillo)
Magatang ti Bannawag kadagiti sukiyo nga aglaklako iti pagiwarnak ken magasin.
Para iti subskripsion, ag-email iti [email protected]. Para iti dadduma pay a detalye, kontaken ti Circulation Department iti 8527-8121 Loc. 369, wenno iti CP No. 09567620852.
Mabalin pay a magatang ti Bannawag iti
Shopee: http://bit.ly/Bannawag-Shopee
Lazada: http://bit.ly/Bannawag-Lazada
Para iti digital a kopia:
PressReader: http://bit.ly/3n83kNQ
Magzter: http://bit.ly/407pazG
Para kadagiti kompleto a sarita, nobela, daniw, salaysay ken dadduma pay, bisitaen ti opisial a website ti Bannawag iti https://bannawag.ph
Laglagipenyo koma met, kakailian, nga ag-join/i-follow (ka)dagiti official a social media account/page/group ti Bannawag,
iti Instagram: https://www.instagram.com/bannawagmagazine
iti Twitter: https://twitter.com/BannawagMagasin
Facebook Page: https://www.facebook.com/BannawagMagasin
Facebook Public Group: https://www.facebook.com/groups/bannawag.magazine
Dios ti agngina.
Isip pabaknangen, Bannawag ti basaen!
