AGAWATEN ti Saniata Literary Awards (sigud a Saniata Prize) kadagiti entry para iti pasalipna iti daniw, ababa a sarita (flash fiction), ken rebiu iti libro (book review). Daytoy ti maika-10 nga edision ti salip (a narugian idi 2012).
Maipaayan iti pammadayaw a Hall of Fame ti makayalat iti lima nga Umuna a Gunggona kadagiti nagtipon a kategoria.
Dagiti pagalagadan ti salip:
1. Naluktan ti salip iti Marso 1, 2024 ket agpatingga iti Oktubre 4, 2024. Silulukat kadagiti amin a mannurat nga Ilokano malaksid kadagiti kameng ti Pamilia Tabag.
5 a Daniw
2. Addaan ti salip iti tallo a kategoria: Daniw, Ababa a Sarita (Flash Fiction), ken Rebiu iti Libro (Book Review).
3. Iti kategoria a Daniw, buklen ti pakisalip iti lima a daniw. Saan a makedngan ti kaatiddog ti tunggal daniw. Agaramat iti Times New Roman a font nga agrukod iti 12 ken single space.
4. Iti kategoria nga Ababa a Sarita, buklen ti lima gasut (500) wenno nakurkurang pay a balikas. Agaramat iti Times New Roman a font nga agrukod iti 12 ken single space.
5. Iti kategoria a Rebiu iti Libro, agatiddog iti 5 agingga iti 8 a panid ti short bond paper nga addaan iti 1 pulgada a mardyin iti amin nga igid. Saan a karaman iti bilang dagiti panid ti mainayon a listaan ti reperensia no adda man. Dagiti laeng libro a nasurat iti lengguahe nga Ilokano ti mabalin a suheto ti rebiu; no adda man nayonna a sabali a lengguahe, agingga iti agarup walopulo a porsiento ti libro ti Ilokano. Agaramat iti Times New Roman a font nga agrukod iti 12 ken double space.
6. Masapul nga iti PDF file amin a pakisalip.
7. Maysa laeng ti pakisalip ti maysa a mannurat iti tunggal kategoria.
8. Masapul nga orihinal, di pay naipablaak, ken nakasurat iti lengguahe nga Ilokano wenno saan a naipatarus manipud iti sabali a lengguahe ti isalip a sinurat. No matakuatan a nabalusingsing daytoy a pagannurotan, maibabawi ti gunggona ket maparitanto metten a makisalip ti autor iti ania man a pasalip ti Saniata Literary Awards.
9. Masapul nga agusar iti nagan iti pluma (pen name) ti mannurat. Iraman ketdi iti email ti kompleto a nagan, numero iti selpon, ken adres ti pagtaengan wenno opisina. Ikabil ketdi iti sabali a PDF file ti kompleto a nagan, numero iti selpon, ken adres ti pagtaengan wenno opisina ket iraman nga i-attach iti isu met laeng nga email thread.
10. Ipatulod babaen ti email ti pakisalip iti [email protected] iti Subject a “10th Saniata Literary Awards: Ababa a Sarita” para iti ababa a sarita, “10th Saniata Literary Awards: Daniw” para iti daniw, ken “10th Saniata Literary Awards: Rebiu iti Libro” para iti rebiu iti libro. Kayatna a sawen, agduduma a mensahe iti email ti tunggal pakisalip; karaman ketdi ti PDF file ti maipapan iti autor iti kada mensahe. Agdamag laeng iti Secretariat iti nadakamat nga email (saan a babaen ti Messenger wenno SMS) maipapan kadagiti pagannurotan.
11. Dagiti premio para iti tunggal kategoria: 1st Prize: PhP3,000.00; 2nd Prize: PhP 2,500; 3rd Prize: PhP2,000.00; ken adda mainayon a merch manipud iti Tianggi Ilokano ni Derick Marcel F. Yabes iti kada gunggona.
12. Manamnama a maikannawag dagiti mangabak iti agtapos ti tawen.
13. Makipagtagikua ti Saniata Literary Awards kadagiti mangabak a daniw ket awan sungsungbatanna kadagiti mannurat no bilang usarenna dagitoy iti ania man a wagas a kas iti pannakaipabuya, pannakaipablaak iti magasin wenno libro, ken pannaipaskil iti social media. Agtalinaed ketdi ti copyright iti autor.
Magatang ti Bannawag kadagiti sukiyo nga aglaklako iti pagiwarnak ken magasin.
Para iti subskripsion, ag-email iti [email protected]. Para iti dadduma pay a detalye, kontaken ti Circulation Department iti 8527-8121 Loc. 369, wenno iti CP No. 09567620852.
Mabalin pay a magatang ti Bannawag iti
Shopee: http://bit.ly/Bannawag-Shopee
Lazada: http://bit.ly/Bannawag-Lazada
Para iti digital a kopia:
PressReader: http://bit.ly/3n83kNQ
Magzter: http://bit.ly/407pazG
Para kadagiti kompleto a sarita, nobela, daniw, salaysay ken dadduma pay, bisitaen ti opisial a website ti Bannawag iti https://bannawag.ph
Laglagipenyo koma met, kakailian, nga ag-join/i-follow (ka)dagiti official a social media account/page/group ti Bannawag,
iti Instagram: https://www.instagram.com/bannawagmagazine
iti Twitter: https://twitter.com/BannawagMagasin
Facebook Page: https://www.facebook.com/BannawagMagasin
Facebook Public Group: https://www.facebook.com/groups/bannawag.magazine
Dios ti agngina.
Isip pabaknangen, Bannawag ti basaen!
