Agdagup iti 7,252 a lugan a di napabaro ti rehistroda ti tiniliw ti Land Transportation Office (LTO) babaen ti inwayatda a “No Registration, No Travel” a polisia iti entero a pagilian.
Impaganetget ni LTO chief Asst. Sec. Vigor D. Mendoza II kadagiti saan a napabaro ti rehistro ti luganda a pabaruendan ti rehistroda tapno saanda a mamulta iti PhP10,000 ken pannakakompiskar dagiti luganda.
Itay Pebrero, agdagup iti 1,653 a lugan ti tiniliw ti LTO gapu ta saan a napabaro a rehistro dagitoy.
Kinuna ni Mendoza a nasurok a 24 a milion dagiti lugan a nagpason ti rehistroda iti entero a pagilian, a namkuatan ti LTO tapno ipatungpalna ti "No Registration, No Travel" a pagalagadan nangrugi idi Nobiembre itay napan a tawen.
Ket Itartarayanmi Dagiti Bomba
Maibatay iti report dagiti opisina ti LTO iti rehion, adda tiniliwda a 243 a lugan gapu iti panangiluganda iti pasahero idinto nga awan ti pammalubos ti Land Transportation Franchising and Regulatory Board (LTFRB). Agdagup iti 123 kadagitoy a lugan ti kinompiskar ti LTO. (Aaron Recuenco/Manila Bulletin/Lito Hilidon/Bannawag)
