Kas inkeddeng ti Office of the Ombudsman (OB) ita a Marso 4, sinuspende ti Department of Agriculture (DA) ti 139 nga opisial ken kameng ti National Food Authority (NFA) a mapapati a nairaman iti di umisu a pannakailako ti rinibu a tonelada a bagas ti NFA.
Nairaman a nasuspende da NFA Administrator Roderico Bioco, Assistant Administrator for Operations John Robert Hermano, ken dadduma pay nga opisial ti NFA iti rehion ken dagiti mangimatmaton kadagiti bodega ti NFA iti entero a pagilian.
Kinuna ni DA Secretary Francisco “Kiko” Tiu Laurel Jr. nga isuna pay laeng ti agakem a kas pangulo ti NFA.
Itay Marso 1, kinuna ni Senador Cynthia Villar a palutpoten ti Senado daytoy a naaramid iti NFA. (Jel Santos/Manila Bulletin//Lito Hilidon/Bannawag)
Eksklusibo iti Website
