Agawaten ti GUMIL Filipinas iti aplikasion para iti Pasnaan 13, ti maika-13 a bansada ti workshop iti panagsurat a para kadagiti mannurat iti Ilokano. Iwardas daytoy ti Seminar-Workshop Committee nga idauluan ni Dr. Freddie P. Masuli, manamnama a maangay daytoy iti Ilocos Sur iti ngalay ti 2024.
Pagtitinnulongan daytoy nga iwayat ti GUMIL Filipinas, Bannawag, ken dadduma pay nga ahensia ken indibidual.
Dagiti maawat a fellow:
- 2 a fellow iti Ababa a Sarita (Flash Fiction)
- 2 a fellow iti Sarita
- 2 a fellow iti Daniw
- 2 a fellow iti Sarita a Para Ubbing
- 2 a fellow iti Daniw a Para Ubbing
Masapul a mangidatag ti aplikante iti grupo dagiti sinurat (portfolio), ania man kadagiti sumaganad:
- Uppat nga Ababa a Sarita (dua kadagitoy ti ma-workshop)
- Dua a Sarita (maysa kadagitoy ti ma-workshop)
- Uppat a Daniw (dua kadagitoy ti ma-workshop)
- Dua a Sarita a Para Ubbing (maysa kadagitoy ti ma-workshop)
- Uppat a Daniw a Para Ubbing (dua kadagitoy ti ma-workshop)
Masapul a naisurat iti Ilokano dagiti nadakamat a sinurat ken addaan iti title page a nakailanadan ti nagan iti pluma (pen name) ken linaonna (table of contents). Masapul a naka-Word document format ti portfolio, iti 12 Times New Roman, Letter Size, ken 1 pulgada a mardyin iti amin nga igid.
Para iti Ababa a Sarita, saan a lumbes iti 500 a balikas ti kada ababa a sarita.
Para iti Sarita, agatiddog daytoy iti 10 agingga iti 12 a panid iti doble espasio.
Para iti Daniw, saan a makedngan ti tema ken kaatiddog, ken usaren ti single space.
Para iti Sarita a Para Ubbing, puntiriaen a reader dagiti adda iti Grado 1-3, ken saan a lumbes iti 700 a balikas, iti doble espasio.
Para iti Daniw a Para Ubbing, puntiriaen a reader dagiti adda iti Grado 1-3, ken agatiddog iti 4 a kelleng (estansa), iti single space.
Pakuyogan dagiti manuskrito (soft copy) iti sabali a Word File a naglaon iti pudno a nagan ti autor, adres, pakakontakan a numero, email address, ababa a pakasaritaan ti biag (bionote) ken kabaruan nga ID picture. Y-email iti [email protected] ken cc ti [email protected] ken usaren ti paulo (subject) a “Pasnaan 13.”
Agdalan dagiti sinurat iti panagarisit dagiti kameng ti Seminar-Workshop Committee ti GUMIL Filipinas. Mapakaammuanto dagiti autor dagiti mapili a gapuanan babaen ti email ken/wenno awag iti selpon.
Maipaayan iti sangkabassit nga honorarium dagiti mapili a fellow.
Aggibus ti panagidatag iti aplikasion iti 11:59 ti rabii iti Hunio 30, 2024.
Para iti ad-adu pay nga impormasion, umawag wenno ag-text iti 0955 728 0505 (Freddie Masuli) wenno ag-email iti [email protected]. (Pasnaan 13 Secretariat)
Magatang ti Bannawag kadagiti sukiyo nga aglaklako iti pagiwarnak ken magasin.
Para iti subskripsion, ag-email iti [email protected]. Para iti dadduma pay a detalye, kontaken ti Circulation Department iti 8527-8121 Loc. 369, wenno iti CP No. 09567620852.
Mabalin pay a magatang ti Bannawag iti
Shopee: http://bit.ly/Bannawag-Shopee
Lazada: http://bit.ly/Bannawag-Lazada
Para iti digital a kopia:
PressReader: http://bit.ly/3n83kNQ
Magzter: http://bit.ly/407pazG
Para kadagiti kompleto a sarita, nobela, daniw, salaysay ken dadduma pay, bisitaen ti opisial a website ti Bannawag iti https://bannawag.ph
Laglagipenyo koma met, kakailian, nga ag-join/i-follow (ka)dagiti official a social media account/page/group ti Bannawag,
iti Instagram: https://www.instagram.com/bannawagmagazine
iti Twitter: https://twitter.com/BannawagMagasin
Facebook Page: https://www.facebook.com/BannawagMagasin
Facebook Public Group: https://www.facebook.com/groups/bannawag.magazine
Dios ti agngina.
