Binallaagan ti gobierno dagiti agpanggep nga agaramid kadagiti maiparit a panguartaan iti panawen ti El Niño kas iti panangmanipular iti presio dagiti magatgatang.
Kinuna ni National Defense Secretary Gilberto C. Teodoro, Jr. a kainnumanna ti Department of Transportation (DOTr) ken dadduma pay nga ahensia ti gobierno, tapno masalakniban dagiti umili kadagiti mananggundaway.
Iti kallabes, impaulog ni Presidente Marcos, Jr. ti Executive Order No. 53 tapno mabukel ken agtignay ti Task Force El Niño kas sagudayen ti EO No. 16 (s. 2001) ken Memorandum Order No. 38 (s. 2019).
Iti sabali a bangir, impanamnama ti Department of Trade and Industry (DTI) a naiget ti panangbantayda iti presio dagiti magatgatang iti merkado.
Manipud Kadagiti Agdama a Kameng ti Bannawag: Dios ti Agngina!
Kiniddaw ti DTI iti publiko nga ipulongda dagiti aglaklako iti kangrunaan a produkto a nangatngato ti presiona ngem iti presio nga intuding (SRP) ti DTI, ket yumanda iti One-DTI (1-384) Hotline, wenno iti email, [email protected]. (Aaron Recuenco/Manila Bulletin//Lito Bannawag)
