Angayen ti GUMIL Filipinas, gunglo dagiti mannurat nga Ilokano, ti GUMIL Dan-ay ("daniw ken lung-ay" wenno performance poetry), Aldaw ti Daniw Kailokuan, inton Marso 31, 2024.
Babaen ti panangiwardas ti GUMIL Dan-ay Special Committee ti GUMIL Filipinas, panangrambak daytoy iti Marso a bulan ti pannakaipasngay ni Pedro Bucaneg, autor ti klasiko nga epiko a Biag ni Lam-ang ken maibilang nga Ama ti Literatura nga Ilokano, ken iti Abril 2 nga aldaw ti pannakaipasngay ni Leona Florentino, autor ti nalatak a daniw a “Nalpay a Namnama” ken maibilang nga Ina ti Literatura nga Ilokano.
Kasta met nga agserbi ti GUMIL Dan-ay a panglukat iti Abril a Bulan ti Literatura nga Ilokano kas sagudayen ti Proclamation No. 26, s. 2001 wenno “Declaring the Month of April 2001 and Every Year Thereafter as Iluko (Ilokano) Literature Month.”
Iti daytoy umuna a pannakaiwayat ti GUMIL Dan-ay, maisayangkat babaen ti live streaming iti Zoom ken FB Page ti GUMIL Filipinas, ken iwardas ti komite ti GUMIL Dan-ay nga idauluan ni Eliseo B. Contillo, direktor ti GUMIL Filipinas.
Maawis dagiti chapter ti GUMIL Filipinas a makipartisipar iti saan a nababbaba ngem maysa a pabuya. Irekord daytoy iti selpon wenno ania man a ramit a pagirekord sa ipatulod ti bideo iti [email protected] agingga iti Marso 24, 2024.
Maawat a pabuya ti panagibasa iti daniw, bukanegan, dallot, dallang (nakaisigudan a samiweng), tapat, ken dadduma pay a kita ti kannawidan nga oral (oral tradition) dagiti Ilokano.
Magatang ti Bannawag kadagiti sukiyo nga aglaklako iti pagiwarnak ken magasin.
Para iti subskripsion, ag-email iti [email protected]. Para iti dadduma pay a detalye, kontaken ti Circulation Department iti 8527-8121 Loc. 369, wenno iti CP No. 09567620852.
Mabalin pay a magatang ti Bannawag iti
Shopee: http://bit.ly/Bannawag-Shopee
Lazada: http://bit.ly/Bannawag-Lazada
Para iti digital a kopia:
PressReader: http://bit.ly/3n83kNQ
Magzter: http://bit.ly/407pazG
Para kadagiti kompleto a sarita, nobela, daniw, salaysay ken dadduma pay, bisitaen ti opisial a website ti Bannawag iti https://bannawag.ph
Laglagipenyo koma met, kakailian, nga ag-join/i-follow (ka)dagiti official a social media account/page/group ti Bannawag,
iti Instagram: https://www.instagram.com/bannawagmagazine
iti Twitter: https://twitter.com/BannawagMagasin
Facebook Page: https://www.facebook.com/BannawagMagasin
Facebook Public Group: https://www.facebook.com/groups/bannawag.magazine
Dios ti agngina.
