Binallaagan ita (Marso 12) ti Philippine National Police - Anti-Cybercrime Group (PNP-ACG) dagiti netizen nga agannad iti panangted iti personal nga impormasion ken panang-klik iti link ti di am-ammo a website.
Daytoy ti impakdaar ti PNP-ACG kalpasan a nairekordda ti 178 a kaso ti hijack profile scam wenno panangtakaw iti nagan manipud Nobiembre 2023 agingga iti Pebrero 2024.
Ti hijack profile scam ti di autorisado a pannaka-access ti account iti social media kas iti Facebook.
No maaladan ti social media account, gundawayan dagiti iskamer ti mangipatulod iti mensahe kadagiti amin kontak ti akinkukua ti account, ket agpammarang nga isu ti akinkukua ti account a dumawat iti kuarta.
TURISMO: Intayon Idiay Ayuyang Garden iti Pila, Siudad ti Laoag!
Nadumaduma a wagas ti us-usaren dagiti iskamer tapno maserrekda ti profile ti biktimada kas iti phishing, hacking, wenno panangallilaw tapno maalada ti personal nga impormasion ti biktima.
Panaglabsing daytoy iti Section 4 (a) (1) Illegal Access, (b) (2) Computer-related Fraud, ken (3) Computer-related Identity Theft ti Republic Act 10175 wenno ti Cybercrime Prevention Act of 2012.
Imbilin ni ACG chief Maj. Gen. Sidney Hernia a masapul nga agusar dagiti netizen iti nabileg ken naidumduma a password iti online account, usaren ti multi-factor authentication, ken kitaen a naimbag dagiti iki-klik wenno mai-download a naggapu iti di am-ammo, ken masansan a wanawanan ti account kadagiti mapagduaduaan nga aktibidad.
Kinuna ni Hernia a no pagarupen a na-hijack ti account, yuman a dagus iti akinkukua iti app wenno iti service provider, ken ipakaammo iti autoridad tapno saan a mapabasol no bilang ta mausar ti account iti ilegal nga aramid.
Innayon pay ni Hernia a liklikan ti di nasken a panangibinglay iti personal nga impormasion online ken sapulen ti "https://" iti link ti usaren a website. (Christopher Lloyd Caliwan/PNA//Lito Hilidon/Bannawag)
Magatang ti Bannawag kadagiti sukiyo nga aglaklako iti pagiwarnak ken magasin.
Para iti subskripsion, ag-email iti [email protected]. Para iti dadduma pay a detalye, kontaken ti Circulation Department iti 8527-8121 Loc. 369, wenno iti CP No. 09567620852.
Mabalin pay a magatang ti Bannawag iti
Shopee: http://bit.ly/Bannawag-Shopee
Lazada: http://bit.ly/Bannawag-Lazada
Para iti digital a kopia:
PressReader: http://bit.ly/3n83kNQ
Magzter: http://bit.ly/407pazG
Para kadagiti kompleto a sarita, nobela, daniw, salaysay ken dadduma pay, bisitaen ti opisial a website ti Bannawag iti https://bannawag.ph
Laglagipenyo koma met, kakailian, nga ag-join/i-follow (ka)dagiti official a social media account/page/group ti Bannawag,
iti Instagram: https://www.instagram.com/bannawagmagazine
iti Twitter: https://twitter.com/BannawagMagasin
Facebook Page: https://www.facebook.com/BannawagMagasin
Facebook Public Group: https://www.facebook.com/groups/bannawag.magazine
Dios ti agngina.
