Gimmanaygay dagiti mannalon iti tabako iti Ilocos Sur kalpasan a naipakammmo a ngimmato iti PhP9.00 ti floor price (minimum a presio) ti tabako kas napagnunumuan iti kaudian a Tripartite Tobacco Consultative Conference a nagsasanguan dagiti mannalon iti tabako, aggatgatang iti tabako, kompania ti sigarilio, ti National Tobacco Administration (NTA), ken dagiti lokal a gobierno kadagiti probinsia a pakaimulmulaan ti tabako.
Itoy a 2024-2025 a tobacco season, dagiti sumaganad ti masurot a floor price segun iti grado ti tabako: AA - PhP97.00, A - PhP96.00, B - PhP95.00, C - PhP93.00, D - PhP85.00, E - PhP84.00, F1 - PhP75.00, F2 - PhP72.00, ken Reject - Php61.00.
Idawdawat ita dagiti mannalon a suroten koma dagiti middlemen wenno “koboy” ti magmagna a presio ken saanda koma a baraten ti pannakagrado dagiti binulong tapno adda met dumket kadakuada a sukat ti rigatda nga aggatud, agtudok, agisad-ay, ken ti gastoda iti panagaramid iti pugon kasta metten ti pagsungrod iti pannakaluto ti birhinia a tabako.
Maikonkonsiderar a kas berde a balitok ti tabako gapu iti Tobacco Excise Tax Law (Republic Act 7171). Sagudayen ti nasao a linteg a 15% ti pakabuklan ti buis nga aggapu iti locally manufactured Virginia-type a sigarilio ti maisubli a kas pondo iti probinsia para iti pannakapasayaat ti industria ti tabako ken iti pannakaital-o ti panagbiag dagiti agmulmula iti tabako. (Mancielito S. Tacadena)
TURISMO: Intayon Idiay Ayuyang Garden iti Pila, Siudad ti Laoag!
Magatang ti Bannawag kadagiti sukiyo nga aglaklako iti pagiwarnak ken magasin.
Para iti subskripsion, ag-email iti [email protected]. Para iti dadduma pay a detalye, kontaken ti Circulation Department iti 8527-8121 Loc. 369, wenno iti CP No. 09567620852.
Mabalin pay a magatang ti Bannawag iti
Shopee: http://bit.ly/Bannawag-Shopee
Lazada: http://bit.ly/Bannawag-Lazada
Para iti digital a kopia:
PressReader: http://bit.ly/3n83kNQ
Magzter: http://bit.ly/407pazG
Para kadagiti kompleto a sarita, nobela, daniw, salaysay ken dadduma pay, bisitaen ti opisial a website ti Bannawag iti https://bannawag.ph
Laglagipenyo koma met, kakailian, nga ag-join/i-follow (ka)dagiti official a social media account/page/group ti Bannawag,
iti Instagram: https://www.instagram.com/bannawagmagazine
iti Twitter: https://twitter.com/BannawagMagasin
Facebook Page: https://www.facebook.com/BannawagMagasin
Facebook Public Group: https://www.facebook.com/groups/bannawag.magazine
Dios ti agngina.
