Namnamaen ti Department of Agriculture (DA) nga agbalin a PhP45 agingga PhP48 ti tunggal kilo ti bagas bayat ti yaasideg ti panagani.
Kinuna ni DA Assistant Secretary Arnel de Mesa a bambantayanda ti panagbaba ti presio ti bagas manipud iti agdama a PhP49 agingga iti PhP50 ti tunggal kilo iti Metro Manila.
Innayon pay ni De Mesa a bassit laeng ti epekto ti El Niño iti panagaapit ta 14,000 nga ektaria laeng a taltalon ti nadadael.
Segun ken ni De Mesa, 9.6-milion a metrika tonelada (MT) ti mabalin a maapit iti daytoy a kalgaw.
Manipud Kadagiti Agdama a Kameng ti Bannawag: Dios ti Agngina!
Malaksid iti manamnama a suplay, imbatad ni de Mesa a bimmaba met ti presio ti bagas iti sangalubongan a merkado, nga adda itan iti US$570 tunggal MT.
Adda pay manamnama a 728,000 MT a bagas nga aggapu iti sabali a pagilian. (Stephanie Sevillano/PNA//Lito Hilidon/Bannawag)
