Di nababbaba iti 63 nga Overseas Filipino Workers (OFW) ti mapasubli iti Filipinas gapu iti riribuk a mapaspasamak iti pagilian a Haiti, segun iti Department of Migrant Workers (DMW) itay Marso 17.
Bimtak ti riribuk iti Haiti gapu iti kinaranggas dagiti dadaulo ti gunglo a manggutgutugot iti panaglusulos ni Haiti Prime Minister Ariel Henry.
Kinuna ni DMW officer-in-charge Undersecretary Hans Leo Cacdac nga inaprobaranen ti Department of Foreign Affairs (DFA) ti panakaideklarar ti Alert Level 3 a mangipaspasimudaag iti boluntario a panagawid.
Kadua ti DMW ti DFA, ken ti Overseas Workers Welfare Administration (OWWA) nga agsapsapul iti eroplano a mabalin a pagluganan dagiti 63 nga OFW, idinto a saan a mabalin ti agdaliasat babaen ti kalsada nga agturong iti Port-au-Prince, ken awan ti agbiahe nga eroplano a rummuar iti Haiti.
Manipud Kadagiti Agdama a Kameng ti Bannawag: Dios ti Agngina!
Adda 115 nga OFW iti Haiti, ket segun iti DMW, awan ti nadamagda a naapektaran wenno nadangran a Filipino. (Aaron Reccuenco/Manila Bulletin//Lito Hilidon/Bannawag)
